د لاس رسي وړ اتصالات

امریکا له افغانستان سره ۷۵ میلیونه ډالره مرسته وکړه


دا پروګرام په ۲۰۱۹ کل کې ختمیږي.

دا پروګرام په ۲۰۱۹ کل کې ختمیږي.

د امریکا د نړیوالې پرمختیایي ادارې له افغان حکومت سره ۷۵ میلیونه امریکايي ډالره مرسته کړې چې له ښوونځیو څخه پاتې زده کوونکو ته د زده کړې زمینې برابرې شي.

د ښوونې او روزنې د وزارت وياند کبير حقمل اشنا ته وويل دا پروگرام به په ١٣ ولايتونو ، باميان ، دايکندی هرات، کندهار، فراه، غور، بادغيس ، هلمند ، ننگرهار، پکتيا، پکتيکا ، ارزگان او زابل کې پلی شي.

د شوې مرستې په اساس به هغو ۱۰۰ زره کوونکو ته د زده کړو زمينه برابره شي چې يا له ښوونځيو پاتې دي او يا هم د زده کړو امکانات ورته برابر نه دي.

ښاغلی حقمل د امریکا غږ خبریالې نوشابه اشنا ته وویل چې دا پروگرام په څلورو کلو کې پای ته رسيږي چې زده کوونکي به یې په رسمي ښوونځیو کې شامل کړل شي.

XS
SM
MD
LG