د لاس رسي وړ اتصالات

امریکا: انتخاباتي کمیسیونونه دې خپل کار ته پریښودل شي


د رایو شمېرنه
د رایو شمېرنه
امریکا د افغانستان د ولسمشرۍ د دواړو کاندیدانو نه غواړي چې په خپلو هغو ژمنو عمل وکړي چې د انتخاباتو د کمیسیونو سره یې کړېدي.

امریکا وايي چې د دواړو کاندیدانو سره په تماس کې ده او د انتخاباتو کمیسیونو ته باید وخت ورکړل شي چې خپل کار وکړي.


دغه خبره د افغانستان او پاکستان لپاره د امریکا د حکومت ځانګړي استازي جیمز ډوبېنز د امریکا د سنا د جرګې د بهرنیو اړیکو د جرګګۍ په راغوښتل شوي غونډې کې وکړي.

ښاغلي ډوبېنز وویل: «زموږ نظر دا دی چې د انتخاباتو د ادارو سره دې مرسته وشي او وخت ورکړل شي چې خپل کار وکړي. په دې کې شک نه شته چې درغلۍ شوې دي. د انتخاباتو په لومړي پړاو کې د پام وړ درغلۍ شویدي. په کې شک نه شته چې د انتخاباتو په دوهم پړاو کې به هم درغلۍ شوې وي. میکانیزمونه شته چې د درغلیو په اړه شکایت وشي او بیا [د درغلیو د قضیو سره] چلند وشي او میکانیزمونو ته باید وخت ورکړل شي چې کار وکړي.»

د افغانستان او پاکستان لپاره د امریکا ځانګړي استازي وویل چې امریکا د دواړو کاندیدانو سره په تماس کې ده او ورنه غواړي چې د انتخاباتو د ادارو سره مرسته وکړي.

ښاغلي ډوبېنز تاکید وکړ چې د رایېو د شمیرنې د پروسې څخه نړیوال ناظرین نظارت کوي او دواړو کاندایدان هم د خپلو ژمنو په اساس، چې د انتخاباتو د کمیسیونو سره یې کړیدي، د دغه جریان څخه نظارت کولای شي.

اد انتخاباتو ادارو ته دې وخت ورکړل شي چې خپل کار وکړي
اد انتخاباتو ادارو ته دې وخت ورکړل شي چې خپل کار وکړي
جیمز ډوبېنز وویل: « موږ د دواړو خواوو نه غواړو چې د انتخاباتو د ادارو سره همکاري وکړي او موږ د دغه خلاف د اقدام په اړه خواشیني یو.»

هغه وایي« موږ د دواړو کاندیدانو سره په منظمه توګه خبرې کوو. موږ غواړو چې دوی د یو بل سره هم، په مستقیمه توګه یا هم په غیر مستقیمه توګه، په تماس کې وي. واضح ده، چې موږ د انتخاباتو د ادارو سره خبرې کوو. نړیواله ټولنه خپل ناظرین لري چې د رایېو د شمیرولو د پروسې نه نظارت کوي.

«لکه چې دواړه کاندیدانو ژمنه کړې ده چې د پروسې په جریان کې به دغه کار [نظارت] کوي.»

د افغانستان او پاکستان لپاره د امریکا ځانګړي استازي وویل چې امریکا د کرزي سره په تماس کې ده. هغه زیاته کړه چې د انتخاباتو په اړه ولسمشر کرزي په مسولیت سره کار کړی دی او دواړه کاندیدان یې دې ته هڅولي چې خپلو انتخاباتي هڅو ته دوام ورکړي.


د افغانستان او پاکستان لپاره، د امریکا ځانګړي استازي جیمز ډوبینز او د آسیا او آرام سمندر د سیمې د امنیتي چارو لپاره د امریکا د بهرنیو چارو د وزارت موقت مرستیالې، کیلي میګسامین د چهارشنبې په ورځ د افغانستان او پاکستان په اړه د سنا د مجلس د بهرنیو اړیکو د جرګګۍ په استعماعیه غونډه کې د سناتورانو پوښتونو ته ځوابونه ورکړل.

دغو دوو امریکايي چارواکو وویل چې په افغانستان کې د فساد په خلاف مبارزه او د اقتصاد ښه والی دومره مهم وو چې په انتخاباتي کمپاینونو کې هم ډیر بحثونه ورباندې وشول.

د افغانستان او پاکستان لپاره د امریکا خاص استازي ښاغلي ډوبینز وویل، دا چې د نړیوالو مرستو ادامه په دې پورې اړه لري چې د افغانستان حکومت اصلاحات راولي، په افغانستان کې د اصلاحاتو د راوستلو لپاره زمینه برابروي.


په شمالي وزیرستان کې د پاکستان د پوځي عملیاتو په اړه، د امریکا خاص استازي ښاغلي ډوبېنز سناتورانو ته وویل چې د پاکستان صدراعظم، د پوځ مشر او نورو چارواکو ورته اطمینان ورکړی چې د حقانې د شبکې په شمول به د ټولو وسله والو ډلو سره یو شان برخورد کوي.
XS
SM
MD
LG