د لاس رسي وړ اتصالات

غني د کرزي هوایي ډگر رئیس او نور چارواکي منفک کړل


جمهور رئیس غني د حامد کرزي د نړیوال هوایي ډگر د کمیسیون د ارزونې د اوریدو پر مهال

جمهور رئیس غني د حامد کرزي د نړیوال هوایي ډگر د کمیسیون د ارزونې د اوریدو پر مهال

د افغانستان جمهور رئیس محمد اشرف غني د کابل د حامد کرزي د نړیوال هوایي ډگر رئیس او د سرحدي قواو قوماندان په چارو کې د بې پروایی له امله له دندو لېرې کړل.

ددغو مقاماتو گوښه کول د کابل د هوایي ډگر د چارو د هر اړخیزې ارزونې لپاره د موظف شوي کمیسیون د کاري رپوټ په نتیجه کې وشول.

د ارگ یوه اعلامیه وایي، د هوایي ډگر د څېړنې د کمیسیون رئیس سردار محمد روشن نن سهار د هوایي ډگر د ترمینل په سالون کې په داسې حال کې خپل رپوټ جمهور رئیس ته وړاندې کړ چې ښاغلی غني د شانګهایپه سرمشریزه غونډه کې د ګډون لپاره ازبکستان ته روان و.

ښاغلي روشن وویل چې د هوايي ډګر وضعیت او ټولې زیانمنونکي برخې یې څېړلي او لازم وړاندیزونه یې برابر کړي دي.

ښاغلي روشن څرګنده کړه، په امنیتي برخه کې د څو امنیتي ارګانونو شتون وظیفوي تداخل رامنځته کړی او همدارنګه په میدان کې د څو دفترونو موجودیت قاچاق ته لار پرانېستې ده.

هغه له امنیتي پلوه د قراردادیانو د تیلو زېرمې او د درې شرکتونو له خوا د هغو د قراردادونو انحصار د اندېښنې وړ وباله.

جمهور رئیس د اړوند کمیسیون د راپور له اورېدو وروسته، د یاد کمیسیون له رئیس او غړو څخه په مننې وویل، د هوايي ډګر د منسوبینو له چلند، مدیریت او امنیت نه راضي نه دی.

جمهور رئیس غني د وظیفوي غفلت په خاطر د میدان رئیس او سرحدي قوماندان له دندو لرې کړل او لارښوونه یې وکړه چې د هوايي ډګر د ریاست بست دې اعلان ته ورکول شي او همدارنګه دې د کورنیو چارو وزارت د حامد کرزي بین المللي هوايي ډګر د سرحدي پولیسو د قوماندانۍ لپاره درې تنه په شرایطو برابر او مسلکي افراد پیشنهاد کړي چې له هغې جملې یو تن وګمارل شي.

هغه وویل د حامد کرزي بین المللي هوايي ډګر ټول هغه کارکوونکي چې له پنځه کالو یې ډېره دنده ترسره کړې وي، باید له استثنا پرته تبدیل شي او نوي کارمندان دې د آزادې او شفافې پروسې له لارې بایومیټریک، شتمنې یې ثبت او بیا وګومارل شي.

محمد اشرف غني وویل، په میدان کې د دفترونو شمېر زیات دی، مسوولیتونه روښانه نه دي او وظیفوي تفکیک موجود نه دی. هغه زیاته کړه، څرګند مقررات دې رامنځته او پر ټولو تطبیق شي او د هوايي ډګر د ریاست دندې دې په اصولي بڼه تعریف او تنظیم شي.

ښاغلي غني همداشان هدایت ورکړ چې د هوایي ډگر د ریاست بست اعلان کړای شي او د کورنیو چارو وزارت درې تنه مسلکي کسان د هوایي ډگر د سرحدي پولیسو قوماندانۍ ته ونوموي چې د هغوی څخه یو یې په دې دنده وگمارل شي.

XS
SM
MD
LG