د لاس رسي وړ اتصالات

آریانا سعید: د ښځینه هنرمندانو پر اخلاقو ټینگار کوي


میرمن سعید وایي ښځې تر اوسه نه دي توانیدلي چې په ټولنه کې خپل اصلي مقام ترلاسه کړي.

میرمن سعید وایي ښځې تر اوسه نه دي توانیدلي چې په ټولنه کې خپل اصلي مقام ترلاسه کړي.

افغان هنرمنده آریانا سعید وایي د شپې مجلسونه او شخصي محفلونو ته د یو شمیر افغان ښځینه هنرمندانو تگ د دې سبب شوی چې ښځینه هنرمندانو او د هغوی هنر ته کم ارزښت ورکړل شي.

میرمن سعید، پرته له دې چې چا ته گوته ونیسي وایي "په دې پلمه چې اوس په افغانستان کې د ودې زمینه شته، نه ښایي چې هر څوک راشي، د هنرمند نوم پر ځان کیږي او سندرې ووایي."

آریانا سعید وویل " یو شمیر افغان نجونې چې له بهر څخه افغانستان ته تللي دي، ددې پر ځای چې خپله موسیقي او هنر پر مخ بیوزي، په شخصي کارونو بوخت دي؛ هر چیرته تللي، د شپې په محفلونو کې یې گډون کړی چې دا د دې سبب شوی تر څو خلک فکر وکړي چې ټولې ښځینه هنرمندانې همداسې دي."

میرمن سعید وایي په هیواد کې نا امنۍ ددې سبب شوي چې د خلکو نظر د ښځو د فعالیتونو په اړه لږ بدلون ومومي او هنرمندان په ځانگړې توگه ښځینه سندرغاړو ته اوس هم سپکاوی وشي.

افغان تکړه هنرمنده آریانا سعید

افغان تکړه هنرمنده آریانا سعید

آریانا سعید چې د یو کنسرت لپاره د دوبۍ ښار ته تللې وه د امریکا د خبریال سره په مرکه کې په ترنم سره د خپلې یوې سندرې د تصنیف په اړه وویل چې باید د هغو کسانو په مقابل کې چې د ښځو په وړاندې د تاوتریخوالي نه کار اخلي باید مقاومت او مبارزه وشي.

هغې وویل هغو کارونو ته په پاملرنې سره چې په څو تیرو کلونو کې یې تر سره شوي د ښځو په وړاندې د زور زیاتي کچه په افغانستان کې لا نه ده راټیټه شوې. میرمن سعید وایي ښځې تر اوسه نه دي توانیدلي چې په ټولنه کې خپل اصلي مقام ترلاسه کړي.

د آریانا سعید په وینا ښایي د افغان میرمنو په ژوندانه کې یو کوچنی ښوالی رامنځ ته شوی وي، خو د هغې په وینا په ټولنه کې حاکم عنعنات د دې سبب شوي چې ښځو ته د دویمې طبقې په سترگه وکتل شي. هغې وویل چې د افغان میرمنو وضیعت د تأسف وړ دی.

  • 16x9 Image

    عارف عثمانزوی

    عارف عثمانزوی د رادیو، تلویزیون او ویب ژورنالیست دی. د څه دپاسه څلور لسیزو راهیسې یې د افغانستان ملي رادیو تلویزیون، جرمني رسنیو، آزادۍ رادیو او د امریکا غږ په مختلفو برخو کې کار کړی.

XS
SM
MD
LG