د ځنګلونو او حیواناتو د چارو یوه نړیواله ډله وایي د افغانستان په شمالي لرې پرته، غرنۍ سیمه کې یې زیات شمیر تندرسته د واورې پړانګان موندلي دي.
د وحشي حیواناتو د ساتنې دا ټولنه وایي دوی په ځینو سیمو کې اوتوماتیکې کمرې نصب کړي تر څو ددې پړانګانو د ځای، شمیر او فعالیت په اړه کره شواهد تر لاسه کړي.
دوی وایي تر اوسه پورې یې په شپاړسو بیلو سیمو کې ددې پړانګانو دموجودیت نښی نښانی موندلې چی اکثر یې د واخان پر لاره چې چین ته څیرمه سرحدي سیمه ده، لیدل شوي دي.
د واورې د پړانګانو نسل په نړیواله کچه د ورکیدو له خطر سره مخامخ دی.
ددې پړانګانو اوسنی شمیر په نړیواله کچه ۴۵۰۰ نه نیولې تر ۷۵۰۰ پورې رسیږي.