د ۱۳۸۹ کال د کانکور په آزموینی کې شاووخوا ۱۲۰ زره تنو زده کوونکو ګډون کړي وو – په دغو زده کوونکو کی ۴۸ زره یي دولتي پوهنتونو ته جذب شوي دي او ۷۴ زره بیا بي نتیجې دي.
د کانکور د ازموینی د نتایجو اعلان او په لوی شمیر کې د زده کوونکو بي نتیجې پاته کیدل په افغانستان کی د کانکور او لوړوزدکړو د سیستم د نیمګرتیاوو په هکله بحث راپورته کړ.
د امریکا ږغ آشنا راډیو د خبرو اترو پروګرام هم همدغی موضوع ته ځانګړی شوی دی. په دغه پروګرام کې هغو زده کوونکو خپلې تجربې او نظریات ویلي چې د ۱۳۸۹ کال د کانکور په آزموینه کې یې برخه اخیستې وه.