د لاس رسي وړ اتصالات

پولیسو په ببغلان کې یوه میرمن ژغورلې چې په تیاره کوټه کې بندې وه


پولیسو په ببغلان کې یوه میرمن ژغورلې چې په تیاره کوټه کې بندې وه

پولیسو په ببغلان کې یوه میرمن ژغورلې چې په تیاره کوټه کې بندې وه

یوې ١٥ کلني افغان میرمني چي خپل خپلوانو یې په یوه کوټه کي بنده کړې وه، بیا وکړای شول چي رڼا ورځ وویني.

افغان پولیسو وویل چي دغه ښځه چي ( سحرګله ) نومیږي ددوشنبې په ورځ د بغلان په ولایت کي د خپل میړه د کور د یوې کوټې نه چي کړکۍ یې نه درلودې را ایستل شوې ده.

چارواکو پرون د سې شنبې په ورځ وویل چي دغه میرمن پر مخ او پښو باندي ډیره سخته وهل شوې او د ګوتو نوکان یې ایستل شوي دي. پولیس وایي چي درې ښځي یې نیولي دي چی په هغو کي د ( سحرګلې » خواښې هم ده. هغوي وویل چي د هغې میړه د سیمي نه تښتیدلی دی.

پولیسو دا هم ویلي دي چي دوي ددغي میرمني د پیدا کیدو هڅي وروسته له هغه شروع کړې چي د هغې مور پلار دوي ته اطلاع ورکړه چي لور یې ورکه ده. پولیسو وویل چي خواښي او د میړه خپلوانو یې هغه په زور او فشار سره فحشا ته مجبوروله، خو هغې انکار کاوه چي په نتیجه کي یې دا سزا ورکړه.

چارواکي وایي چي ( سحر ګله ) څوارلس کلنه وه چي واده سوه، او له واده نه دوې میاشتي وروسته په دغه کوټه کي بندي شوه.

XS
SM
MD
LG