د لاس رسي وړ اتصالات

رپوټ: افغان میرمنې له ګواښ سره مخ دي


رپوټ: افغان میرمنې له ګواښ سره مخ دي

رپوټ: افغان میرمنې له ګواښ سره مخ دي

دوه مهمې بین المللی مؤسسی وايي، په افغانستان کې د ښځو حقوق له ګواښ سره مخامخ دي په داسی حال کې چې بین المللی عسکر له دغه جنګ ځپلي هیواد نه د وتلو تیاری نیسي.

د اکسفام او د یکشن ایډ مؤسسو چې مرکز یې په بریتانیا کې دی، په جلا جلا رپوټونو کې چې پرون د دوشنبی په ورځ خپاره شویدي، څرګندوی چې د یو دپاسه دوه زرم کال نه راپدې خوا د افغان ښځو په حقوقو کې ښه والی راغلی دی مګر وايي، دارنګه ښه والی نازک او د تغیر وړ دی.

د ۱۹۹۰ په لسیزه کې چې د طالبانو دوره وه، په افغانستان کې ښځو ته د کار کولو اجازه نه وه، ښونځیو ته نشوی تللی یا بې له محرم نه له کور نه نشوی وتلی.

اکسفام وايي، دطالبانو د دورې په مقایسه چې یوازې څو زره نجونې ښونځیو ته تللې اوس څه دپاسه دوه عشاریه اوه میلونه نجونې په ښونځیو کې دي.

د طالبانو له بیرته راتګ وېره

د ایکشن ایډ ډله وايي، کیدای شي چې د ښځو په حقوقو کې دارنګه اصلاحات ډیر ژر د سولې په بدل کې له منځه ولاړ شي. لویس هانکاک چې د اکسفام د رپوټ یو له لیکونکو څخه دی، پرون د دوشنبې په ورځ وویل، افغان ښځې ددې احساس نه کوي چې دوی به د طالبانو سره د پخلاینې په خبرو کې شامل شي چې خپل حقوق وژغوري.

د ایکشن ایډ مؤسسه له ښځو نه هم غواړي چې د لس کلن جنګ په سیاسي روغه جوړه کې نقش ولوبوي.

دغې مؤسسی له زرو افغان ښځو نه پوښتنې کړیدي چې اکثره یې د طالبانو بیرته د راتګ په باره کې اندیښنه لري.

ددغو ښځو دریمه برخه وايي، که خارجي قواوې ووځي نو په افغانستان کې به وضع خرابه شي.

XS
SM
MD
LG