د لاس رسي وړ اتصالات

کرکټ: نړیوال جام کې د افغانستان د پرمختګ هېلې ورژېدې


دا څلورم ځل دی چې افغانستان د ۱۹ کلنو د نړیوال جام په سیالیو کې برخه اخلي.
دا څلورم ځل دی چې افغانستان د ۱۹ کلنو د نړیوال جام په سیالیو کې برخه اخلي.

د افغانستان د ۱۹ کلنو ځوانانو لوبډلې خپله دویمه لوبه هم وبایلله او په دې ډول یې د نړیوال جام سیالیو ته د وړاندې تګ هېلې ختمې شوې.

افغانستان تر دې مخکې خپله لومړنۍ لوبه پر پاکستان بایللې وه.

له افغانستان سره په بي ګروپ کې کاناډا ده چې خپلې دواړه لوبې يې بایللې دي.

له بي ګروپ نه دواړه پاکستان او سرېلنکا منځلوبو یا کوارټر فاینل ته ووتل، افغانستان او کاناډا پاتې شول.

وړاندې د افغانستان د ۱۹ کلنو لوبډلې مدیر نوید کاکړ د امریکا غږ اشنا ته ډاډ ښودلی و چې کوارټر فاینل او سیمې فاینل ته به خامخا وځي.

تر ښاغلي کاکړ وړاندې افغان کپټان احسان الله هم رسنیو ته ویلي وو چې دوی ان د نړیوال جام د ګټلو لپاره بنګلدېش ته راغلي دي.

له سرېلنکا سره په لوبې کې افغانستان د سرېلنکا ټوله لوبډله په ۱۸۴ منډو وسوځوله خو خپله بیا په ۱۵۱ منډو وسوځېده.

تر هغې وړاندې له پاکستان سره په لوبې کې د افغانستان د ۱۹ کلنو ټوله لوبډله په ۱۲۶ منډو سوځېدلې وه.

افغانستان خپله درېیمه لوبه سبا له کاناډا سره کوي، چې ګټل او بایلل یې د نړیوال جام د روانو سیالیو په نتایجو ډېر مثبت تاثیر نلري.

دا څلورم ځل دی چې افغانستان د ۱۹ کلنو د نړیوال جام په سیالیو کې برخه اخلي.

  • 16x9 Image

    جعفر هاند

    جعفر هاند په ۲۰۱۷ کې په واشنګټن ډي سي کې په امریکايي پوهنتون کې په نړیوالو مطبوعاتو او اړیکو کې ماستري کړې ده. د ننګرهار په پوهنتون کې یې قضا لوستې ده. له ۲۰۰۷ نه تر ۲۰۱۴ کاله پورې د بي بي سي د نړیوالې او افغان څانګې خبریال او پروډیوسر و. د ۲۰۱۴ کال له پیل راهیسې په واشنګټن کې د امریکا غږ اشنا راډیو/تلویزون خبریال دی. 

XS
SM
MD
LG