د لاس رسي وړ اتصالات

متحده عربي امارات افغان کرکټ لوبغاړو ته ویزې نه ورکوي


Afghanistan cricket team Captain Asghar in Zimbabwe

Afghanistan cricket team Captain Asghar in Zimbabwe

متحده عربي اماراتو کې د شارجې د کرکټ میدان د افغانستان د کرکټ کورنۍ لوبغالی دی. یعني که کوم خارجي هیواد افغانستان سره د هغه په کور کې د کرکټ کولو نیت لري، نو شارجې ته به راځي. همداراز پخپله متحده عربي اماراتو کې د کرکټ مشهور لوبغالي لکه د شارجې ،دوبۍ او ابوظهبي میدانونه دي چې وخت په وخت پکې افغانستان دپاره سیالۍ برابریږي. د دې میاشتې په اخر کې د دسمبر د دویمشتمې نه افغانستان د زمبابوې سره د کرکټ د پینځو یو ورځنیو او دوه شل اوریزو سیالیو لړۍ لري. چې دې دپاره د کرکټ ملي ټیم قریب دوه میاشتې مخکې اعلان شوی و. چې هغې د جملې نه محمد نبي، دولت او نجیب ځدران،حمزه هوتک،جاوید احمدي او راشد ارمان ته تر اوسه د متحده عربي اماراتو ویزې نه دي ورکړل شوي.

دولت ځدران ،نجیب ځدران، محمد نبي ،جاوید احمدي حمزه هوتک او راشد ارمان د ویزو په تمه دي

دولت ځدران ،نجیب ځدران، محمد نبي ،جاوید احمدي حمزه هوتک او راشد ارمان د ویزو په تمه دي

د افغانستان کرکټ بورډ وایي چې دوي تر خپله وسه کوشش کړی. خو خبره د دوي د وس او اختیار نه لوړه ده. د افغانستان بهرنیو چارو وزارت ېې پکې هم را گډ کړیدی او هغوي ورته ډاډ ورکړیدی چې دوي د متحده عربي اماراتو د دولت سره تماس کې دي او هڅه کوي چې د کرکټ د ملي لوبغاړو د ویزو مشکل حل کړي.

د افغانستان د کرکټ د ملي ټیم منیجر شېر آغا همکار د امریکا غږ آشنا راډیو سره خبرو کې ویلي چې که چرې د دغو لوبغاړو د ویزو مشکل حل نشو او راتلونکو څو ورځو کې د ټیم سره ملگري نشول نو د کرکټ ایندې ته به سخت تاوان ورسي. د هغه په وینا زمبابوې سره زموږ سیالۍ زموږ د اینده پرمختگ دپاره ضرور دي. حمزه هوتک او راشد ارمان غوندې سپین بالران، دولت ځدران چې تېز بالر دی، محمد نبي چې د ملي ټیم د ملا تیر او نجیب ځدران د شل اوریز ماهر دی.

افغانستان په زمبابوې کې زمبابوې ته ماتې ورکړې وه

افغانستان په زمبابوې کې زمبابوې ته ماتې ورکړې وه

شېر اغا همکار وايي چې دوي اوس په دې غور کوي که چرې د دغو لوبغاړو د ویزو مسله حل نشي نو یا خو به د زمبابوې سره سیالۍ ځنډوي او یا به ېې بل هیواد کې ورسره کوي. د بل هیواد نوم هند دی چې د کرکټ بورډ په وینا هند افغانستان ته نوي ډیلي کې د سیالیو دپاره یو میدان ورکړیدی او د کرکټ بورډ اجرایوي ریس شفیق ستانکزی دا وخت هند کې دی چې د عربي اماراتو د متبادل په توگه د زمبابوې سیالۍ هلته نقل کړي. اوس به د دې راتلونکو څو ورځو کې سم معلومات وشي چې ایا دغو لوبغاړو د ویزو مشکل حل کیږي که نه؟ که حل نشي نو ایا زمبابوې سره سیالۍ د پروگرام سره سم متحده عربي اماراتو کې کیږي او که نه هند ته ېې وړي.؟

دا هغه ټولې پوښتنې دي چې د متحده عربي اماراتو لخوا لوبغاړو ته د ویزو د نه ورکول کیدو سره پېدا شوی. دې نه وړاندې هم د افغانستان دوه لوبغاړو شاهپور ځدران او نوروز منگل ته هم د اماراتو ویزې نه وې ورکړل شوی. چې د تر اوسه ېې علت نه دی معلوم شوی او اوس هم د متحده عربي اماراتو دولت افغان کرکټ بورډ یا نورو مسولین ته علت نه وايي او لوبغاړي بې سرنوشته پاتې دي.

دې نه وړاندې شاهپور ځدران او نوروز منگل ته هم د ویزو مشکل پیښ شوی و

دې نه وړاندې شاهپور ځدران او نوروز منگل ته هم د ویزو مشکل پیښ شوی و

د کرکټ د مینه والو په وینا چې د افغانستان حکومت باید د عربي اماراتو د ستر قیادت سره په لویه سویه دغه مسله مطرح کړي او یو دایمي حل ېې راوباسي. ترڅو راتلونکو سیالیو ته د لوبغاړو په تگ کې مشکل نه وي او لوبغاړو او مینه والو ته اندیښنې نه وي.

  • 16x9 Image

    مطیع الله عابد

    مطیع الله عابد  د کال ٢٠٠٢ نه د امریکا غږ آشنا راډیو پښتو خپرونو سره کار کوي. عابد چې د افغانستان د کندوز ولایت دی د پیښور پوهنتون نه ېې د ژورنالزم ماستر ډگري اخیستې. عابد د خبریالۍ سره سره لیکوالي هم کوي چې زیاتره ځوانانو او د کرکټ لوبې په اړه وي.

XS
SM
MD
LG