د لاس رسي وړ اتصالات

زاخیلوال:کرکټ افغانستان ته یو غوره نوم گټلی دی


د افغانستان مالېې پخواني وزیر او ملي اقتصاد ستر سلاکار ډاکټر عمر زاخیلوال

د افغانستان مالېې پخواني وزیر او ملي اقتصاد ستر سلاکار ډاکټر عمر زاخیلوال

ډاکټر زاخیلوال وايي کرکټ افغانستان ته مالي او معنوي گټه رسولې

ډاکټر زاخیلوال وايي کرکټ افغانستان ته مالي او معنوي گټه رسولې

ډاکټر عمر زاخیلوال چې د افغانستان د کرکټ بورډ لومړۍ عمومي ریس و،د افغانستان د کرکټ په وده کې د یو رسمی مقام په توگه د هغوي رول ډیر مهم یادیږي. ډاکټر زاخیلوال چې په تېر حکومت کې د مالېې وزیر و،د خپل مقام او امکاناتو نه په گټې اخیستو سره کرکټ ته د یادونې وړ کار کړیدی. ډاکټر زاخیلوال افغانستان کې د کرکټ سره د ولسي ملاتړ ،دولتي پشتوانې او د لوبغاړو د لاسته راوړنو په اړه د امریکا غږ آشنا راډیو سره ځانگړې مرکه کې ویلي چې د افغانستان په دې نیزدې تاریخ کې کوم ستر افتخار چې یادولی شو ،هغه د کرکټ د لوبغاړو گټلي ویاړونه دي.

په افغانستان کې د امریکاپخوانی سفیر کارل یکن بیري او ډاکټر عمر زاخیلوال د کابل د کرکټ د نړیوال لوبغالي د بنسټ ایښودو په مهال

په افغانستان کې د امریکاپخوانی سفیر کارل یکن بیري او ډاکټر عمر زاخیلوال د کابل د کرکټ د نړیوال لوبغالي د بنسټ ایښودو په مهال

ډاکټر عمر زاخیلوال په خبرو کې د کرکټ د بورډ د بنسټ ایښودو او د لومړیو ورځو د خاطرو په بیانولو سره ویلي چې دوي ملي تجاران دې ته تیار کړل چې د کرکټ سره مرسته وکړي او د لوبغاړو مالي وضعه بهتره کړي،ترڅو په ارام فکر سره لوبه وکړي.

ډاکټر زاخیلوال په دې مرکه کې د کرکټ دپاره د بازار موندنې په اړه د خپلې تجربې په اساس ویلي چې کرکټ یوازینۍ لوبه ده چې په ځان متکي او کولی شي چې هیواد هم غني کړي.هغه وايي چې د کرکټ د لوبغاړو د زحمت په برکت افغانستان په نړۍ کې په یو ښایسته او غوره نوم یادیږي.

ډاکټر عمر زاخیلوال د کرکټ په وده کې د مطبوعاتو د رول د یادونې په وخت وویل
د افغانستان د کرکټ په وده او د کرکټ د خبرونو په رسولو کې د امریکا غږ اشنا راډیو خدمتونه او رول د ستایلو وړ دي.امریکا غږ آشنا راډیو افغان ولس ته د کرکټ د سیالیو په ژوندي حال رسولو،مرکو او راپورونو کې یو څرگنده نوم لري.

ډاکټر عمر زاخیلوال وویل چې دی اوس هم تیار دی چې د کرکټ بورډ سره د غوښتنې په اساس مرسته وکړي،د ادارې د مشکلاتو په سمون،د نړیوالو مرستو په جلب او د اړیکو په وده او نورو ساحو همکاري وکړي.

  • 16x9 Image

    مطیع الله عابد

    مطیع الله عابد  د کال ٢٠٠٢ نه د امریکا غږ آشنا راډیو پښتو خپرونو سره کار کوي. عابد چې د افغانستان د کندوز ولایت دی د پیښور پوهنتون نه ېې د ژورنالزم ماستر ډگري اخیستې. عابد د خبریالۍ سره سره لیکوالي هم کوي چې زیاتره ځوانانو او د کرکټ لوبې په اړه وي.

XS
SM
MD
LG