د افغانستان د کورنیو چارو وزارت وايي چې نن د دوشنبې په ورځ د افغانستان په شمال کې د سر پل په ولایت کې یو امبولاس موټر چې یوه امیدواره میرمن یې روغتون ته انقتالوله، د سړک غاړې پر یوه بم وربرابر شوی دی له امله یې میرمن او د هغې د کورنۍ ۳ نور غړي وژلي دي.
ددې پېښې سره په یوه ورځ کې په افغانستان کې د یاغیانو په لاس ټولټال ۹ ملکي افغانان وژل شوي دي.
د کورنیو چارو د وزارت په بیانیه کې راغلي دي چې وژل شوي کسان دو تن ماشومان او دوې میرمنې وې. په په پېښه کې دوه تنه ټپیان شوي هم دي.