د لاس رسي وړ اتصالات

افغانستان له داعش سره د مالي مرستو ادعاوی څیړي


د پکتیکا والي ادعا کړې چې د داعش اړوند کسان له پاکستان څخه افغانستان ته راغلي دي

د پکتیکا والي ادعا کړې چې د داعش اړوند کسان له پاکستان څخه افغانستان ته راغلي دي

د افغانستان د کورنیو چارو وزیر د یو لوړپوړي دولتي پلاوي په مشرۍ موظف شوی چې د داعش د ډلې د پکتیکا په ولایت کې د دې ولایت د والي د وروستنیو څرگندونو په هکله پلټنې وکړي.

د پکتیکا والي عبدالکریم متین، تیره اونۍ رسنیو ته وویل چې د افغانستان د ملي امنیت شورا "د اسلامي دولت د ډلې د کورنیو د غړو سره" مرسته کړې ده.

ښاغلي متین ادعا کړې ده چې د داعش پورې اړوند کسان د دیورند د کرښې له هغه غاړې څخه افغانستان ته راغلي او د پکتیکا ولایت په مختلفو برخو کې ځای پر ځای شوي دي.

د پکتیکا د والي دغو څرگندونو د ملي شورا د غړو ترمنځ سخت بحثونه رامنځ ته کړل او د ولسي جرگې غړو د دې موضوع د جدي پلټنې غوښتنه وکړه.

د افغانستان جمهوري ریاست د چارشنبې په ورځ په یوه خبري پاڼه کې د حقیقت موندنې د یو کمیسیون د موظف کولو په اړه خبر ورکړ چې تر راتلوونکو لسو پورې خپلې ترلاسه کړې نتیجې جمهور رئیس ته وړاندې کړي.

په دې کمیسیون کې د عدلیې او د مهاجرینو د چارو وزیران او د ملي امنیت عمومي رئیس او همداشان د ولسي جرگې او مشرانو جرگې یو شمیر غړي هم گډون لري.

XS
SM
MD
LG