د لاس رسي وړ اتصالات

غني له جوبایډن او نواز شریف سره ګوري


لا معلومه نه ده چې دوی پر کومو مسایلو خبرې کوي.

لا معلومه نه ده چې دوی پر کومو مسایلو خبرې کوي.

افغان ولسمشر محمد اشرف غني د پنجشنبې په ورځ د امریکا د ولسمشر له مرستیال جوبایډن او د پاکستان له لومړي وزیر نواز شریف سره ګوري. دوی د سویس په داووس ښار کې ملاقات کوي.

سره له دې چې سپینې ماڼۍ د دغه ملاقات په اړه ډېر جزییات نه دي ورکړي خو ویلي يې دي، چې دغه مشران به په ځايي وخت یوولس بجې د داووس په انټرکانټیننټل هوټل کې سره وګوري.

په سویس کې یو افغان ډیپلومات د امریکا غږ اشنا ته وویل چې ولسمشر غني به د چهارشنبې په ورځ داووس ته ورسیږي.

لا معلومه نه ده چې د دوی د غونډې اصلي اجنډا به څه وي او پر کومو مسایلو به خبرې وکړي. دوی د اقتصادي نړیوالې غونډې په څنډو کې له یو بل سره ګوري.

ټاکل شوې چې سږکال به په دغې اقتصادي غونډې کې د نړۍ د مشهورو تجارتي شرکتونو مشران، پانګوال، مشهورې نړیوالې څېرې او حکومتي چارواکي ګډون وکړي.

اقتصادي نړیواله غونډه داسې مهال کيږي چې د رویټرز د خبري اژانس د راپور له مخې دا مهال په نړۍ کې د شتمنو او بې وزلو ترمنځ واټن ډیر زیات شوی دی.

د اکسفام د نړیوالې خیریه موسسې په وینا په نړۍ کې ۶۲ شتمن کسان، چې ۵۳ یې نارینه دي، د نړۍ د نیمايي بې وزله خلکو نه ډېره پانګه لري.

XS
SM
MD
LG