د لاس رسي وړ اتصالات

د ټولنیزو رسنیو مډال ګټونکي څوک او څومره دي


جایزې او مډالونه په دریو برخو کې ورکړل شول.

جایزې او مډالونه په دریو برخو کې ورکړل شول.

په افغانستان کې د ټولنیزو رسنیواو رسنیو غوره فعالانو او خبریالانو ته مډالونه ورکړل شول.

د ټولنیزو رسنیو د درېیمې ورځې د غونډې په پای کې په دریو برخو کې، د غوره خبریال، د غوره ښاري خبریال او د ټولنیزو شبکو غوره فعال ته مډالونه ورکړل شول.

دغو کسانو ته د هغوی د مینوالو له لوري د انټرنټ له لارې رایې ورکړل شوې وې چې دغه کمپاین شاوخوا دوه اوونۍ روان و، خو پرېکړه د یو شمېر ځانګړو افغان او بهرنیویوې ګډې ډلې وکړه او ګټونکي یې اعلان کړل.

د مراسمو تنظیمونکي وايي چې دوی له شمشاد تلویزون سره قرار داد کړی چې د ټولو ګټونکو نومونه به یې اعلانوي.

خو، په ټولنیزو رسنیو، د دلاور فیضان، کاون خاموش او ځینو نورو نومونه راغلي دي.

د فیسبوک د جایزې ګټونکی نعيم عطارد د دغه بهیر ستاینه وکړه او له هغو خلکو یې مننه وکړه چې ده ته یې رایې ورکړې او غوره کړی یې دی.

خو، ځینو ګډونوالو د جایزې د ګټونکو د ټاکلو پر څرنګوالي نیوکه وکړه او ویې ویل چې د خلکو رایو ته کتنه نه ده شوې، بلکې د هغوی په خبره ځانګړو کسانو ګټونکي غوره کړي دي.

یو شمېر ګډونوالو د مډال وړونکو د نومونو په اعلانېدو سره له غونډې ووتل.

یو اعتراض کوونکي عبدالرحمن رحماني د غوراوي ډله تورنه کړه چې حق یې حقدار ته سپارلی نه دی.

د مډال ورکولو مراسم په کابل ښار کې د بابر په تاریخي بڼ کې ترسره شول چې شاوخوا ۷۰۰ کسانو په کې برخه اخیستې وه، او ویل کیږي چې د افغانستان د شاوخوا ۲۰ ولایتونو څخه خبریالان او فعالانو هم ورغلي وو.

د دغو مراسمو یوه تنظیمونکې راضیه معصومي له ټولو خلکو مننه وکړه چې د ټولنیزو رسنیو په دغه لوی کمپاین او انتخاباتو کې برخه واخیسته.

هغې په افغانستان کې د بدلون او خلکو د غږ اوچتولو په برخو کې د ټولنیزو رسنیو رول مهم وباله .

ویل کیږي دا لومړی ځل دی چې په افغانستان کې دا ډول مراسم ترسره کیږي او ګټونکي ته جایزې او مډالونه ورکوي.

XS
SM
MD
LG