د لاس رسي وړ اتصالات

ملا محمد عمر افغان حکومت سره خبرې رد کړلې


ملا محمد عمر افغان حکومت سره خبرې رد کړلې

د افغان طالبانو مشر ملا محمد عمر هغه روپوټونه رد کړیدی چه د هغه ډله د افغانستان د حکومت سره د سولی په موافقی غږیږی.

په یو بیان کی چه نن مطبوعاتي موسسو ته د انټرنیټ له لارې استول شویدی، ملا عمر ویلي دي د سولې د خبروادعاګانې بې بنیاده پروپاګند دی او ددې دپاره کیږی چه په افغانستان کې د امریکا په رهبرۍ د ناټو د قواوو په ناکامۍ باندی پرده وغوړل شي.

جمهوررئیس کرزي ژمنه کړیده چه د حکومت په ملاتړ د سولې عالي شورا به د طالبانوسره د روغې جوړې خبرې پر مخ بوزي.

د طالبانو مشر ملا عمر همدغه راز ژمنه کړیده چه د دښمن د قواوو د ماتولو دپاره به په افغانستان کی جنګي عملیاتو ته زور ورکړي. ملا عمر همدا شان د کرزي حکومت وغانده او هغه یی فاسد او د غرب ګوډاګی حکومت وباله.

د ناټو قوه وایی چه په جنوب کی یی چه د طالبانو پوخ سنګر دی، د طالبانو زور اوبه کړیدی. خو یاغیانو په دی ورځو کی په خارجیانواوافغان قواووباندی مرګانۍ حملې کړیدی.

افغان پولیس وایی طالبانونن د قندوز په ولایت کی دمخابراتو په یو برج باندی حمله وکړه . د افغان پولیسواوطالبانو ترمنځ دی جګړه کی لږ تر لږه ١٦ کسه ووژل شول چه په دی کی نهه کسه افغان پولیس دی او،اوه کسه ، یاغیان دی.

XS
SM
MD
LG