د لاس رسي وړ اتصالات

کرزی غواړي طالبان له تور لسټ نه وایستل شي


کرزی غواړي طالبان له تور لسټ نه وایستل شي

کرزی غواړي طالبان له تور لسټ نه وایستل شي

د امریکی په یوه معتبره ورځپاڼه کی راغلی چی د افغانستان جمهور ریس په نظر کی لری د ملگرو ملتونو نه وغواړی چی د ملگرو ملتونو د تور لست نه د طالبانو د پخوانیو غړو د لږ تر لږه پنځوسو تنو نومونه وایستل شی.

د واشنگټن پوست ورځپاڼه د یوه عالی رتبه افغان چارواکی له قوله چی نوم یی نه دی خپور شوی رپوټ ورکوی چی د تور لست نه د دغو کسانو د نومونو ایستل د طآلبانو سره د روغی جوړی د پروسی د پرمخ بیولو لپاره یو شرط دئ.

جمهور ریس حامد کرزي په دی وروستیو وختونو کی په ملک کی د نهه کلنی جگړی د پای ته رسولو لپاره په سیاسی حل باندی ټینگار کړی دی او غواړی د طالبانو د پخوانیو غړو سره تماس ونیسی.

ورځپاڼه لیکی چی د تور لست نه د طالبانو د نومونو ایستل د ملگرو ملتونو د چارواکیو د مقاومت سره مخامخ شوی دی او وایی چی داسی شواهد ورته پکار دی چی وښیی د طآلبانو پخوانیو غړو تشدد غندلی وی ، د افغانستان اساسی قانون ومنی او د طآلبانو او القاعدی سره یی خپلی اړیکی شلولوی .

ملگرو ملتونو د طالبانو په ١٣٧ غړو باندی د سفر کولو او نور بندیزونه لگولی دی.

واشنگټن پوست لیکی چی د افغانستان او پاکستان لپاره د امریکا د جمهور ریس بارک اوباما خاص استاځئ تیره اونۍ نیویارک ته تللی ؤ چی هلته د ملگرو ملتونو د چارواکیو سره وگوری تر څو په هغوی فشار واچوی چی د تور لست نه د نومونو د ایستلو پروسه پیل کړی.

خو ورځپاڼه لیکی چی امریکا د تور لست نه د طآلبانو د مشر ملا عمر او ځینو تشدگرو طالبانو د نومونو د ایستلو سره موافقه نه ده.

XS
SM
MD
LG