جمهوري غوښتونکی سناتور جان مکېن وايي چې د امریکا او افغانستان ترمنځ امنیتي موافقه ښايي د افغانستان د ولسمشرۍ د ټاکنو وروسته لاس لیک شي. د ولسمشر کرزي سره یې د اړیکو په هکله وویل چې د امریکا او ولسمشر کرزي ترمنځ مناسبات د ۲۰۰۹ کال د انتخاباتو پرمهال خړو پړ شول ځکه ولسمشر کرزي داسي فکر وکړ چې امریکا هڅه کوي چې هغه د صحنې څخه وباسي. ښاغلي مکېن زیاته کړه چې ولسمشر کرزی په یوه پلا نشي پېژندل کېدای.