د لاس رسي وړ اتصالات

هلمند کې افغان او امریکايي خبریالان وژل شوي


ډیوډ گلکي په عکاسۍ کې څو نړېوالې جایزې ګټلې وې

ډیوډ گلکي په عکاسۍ کې څو نړېوالې جایزې ګټلې وې

د امریکا د ملي راډیو (ان پي آر) دوه عکاس خبریالان د یکشنبې په ورځ د افغانستان د هلمند په ولایت کې ووژل شول. ډیوید ګیلکي او افغان ژباړن یې، ذبیح الله تمنا، د افغان ملي‌ پوځ په یوه موټر کې و چې وسله والو طالبانو پرې برید وکړ.

پنځوس کلن ډیویډ ګیلکي د هلمند د جګړې نه د راپور ورکولو په موخه دغه ولایت ته تللی و. هغه د عراق په ګډون د ځينو جګړه ځپلو هېوادونو انځور نړۍ ته ورکاوه او پدې لړ کې یې ګڼې مسلکي جایزې اخیستې وې.

۳۸ کلن ذبیح الله تمنا هم له ښاغلي ګیلکي سره د همکار او ژباړونکي په توګه کار کاوه.‌

ان پي آر تر اوسه د دغو خبریالانو د وژل کیدلو جزئیات ندي ورکړي. د ملي پوځ د موټرونو پدغه کاروان د ان پي آر دوه نور بهرني خبریالان هم و چې له پیښې روغ رمټ وتلي دي.

په تیرو څو میاشتو کې په هلمند کې د سختو جګړو راپورونه ورکړل شوي‌ او ویل کیږي‌ چې طالب جنګیالیو د ځينو سېمو واک ترلاسه کړې او ځيني‌ نورې سېمې ګواښوي.‌


تېر کال په نړۍ کې ۷۳ خبریالان ووژل شول. د افغانستان د رسنیو د ملاتړ یوه سازمان (نی) په حواله ۲۰۱۵ کال کې حداقل څلور افغان خبریالان ووژل شول.

XS
SM
MD
LG