د اسراییلو صدراعظم بینیامین نتان یاهو وایی چی د اسراییلو او فلسطینیانو ترمینځ د مستقیمو خبرو کولو وخت رارسیدلی دی.
هغه زیاتوی چی د دی وخت رارسیدلی چی د سولی لپاره د یوه سیاسی حل لپاره باید مسقیم مذاکرات پیل شی.
ښاغلی نیان یاهو دا خبری نن په واشنگټن کی د جمهور ریس براک اوباما سره د ملاقات وروسته وکړی . جمهور ریس اوباما وویل چی اسراییلی چارواکیو د فلسطینیانو سره د جدی مذاکراتو لپاره خپل تمایل ښکاره کړ.
ښاغلی اوباما خبریالانو ته وویل چی هغه او ښاغلی نتان یاهو د ایران د اټومی پروگرام او د حماس تر کنټرول لاندی د غزی تړانگی ته د نورو مرستو د پریښودو لپاره د اسراییلو د پرمختگ په اړه خبری وکړی.
دواړو مشرانو دا خبره رد کړه چی گواکی د دواړوو ملاکونو ترمینځ تاوتریخوالئ موجود دی.
د اسراییلو صدراعظم د وروستی ځل لپاره امریکا ته په هغه وخت کی راغلی و چی اسراییلو په ختیځ بیت المقدس کی د ١٦٠٠ کورونو د جوړولو اعلان کړی ؤ.
امریکایی چارواکیو د اسراییلو په دی اعلان باندی انتقاد کړی و په تیره چی دا اعلان په داسی وخت کی شوی و چی د امریکا د جمهور ریس مرستیال جو بایدن اسراییلو ته په سفر تللی ؤ.