د نړۍ د ډیر بډایو او شتمنو کسانو یو لست چې تازه خپور شوی دی ښیي چې په چین کی د ملیاردرانو شمیر اوس دوه چنده زیات شوی دی. فعلا په چین کی١١٥ تنه ملیارډران دي.
دغه لست چی هرکال یی د امریکی د Forbes نومی مجله چاپوي، ښیي چې سږ کال په چین کی دبیاډو په نوم د انټرنیټ د شبکې ملک روبن لي په ټول چین کې تر ټولو غټ سرمایه دار دی او ډیرې پیسې لري.
خو د نړئ د څو نورو ملکونو دغټو غټو سرمایه دارانو په لست کې یی نوم په ٩٥ نمبر کې واقع دی.
د فوربز مجلې په ټوله نړئ کې د ١،٢١٠ ملیاردرانو لست جوړ کړی و چې ددغې جملې نه یې د پیسو په حساب فقط ١٩٩ کسان په دوهم لست کې شامل شوي دي.
ددغو نوو سرمایه دارانو د جملې نه یې زیاتره د چین، روسیی، هند او برازیل اوسیدونکي دي، چې ٧٩ تنه یې فعلا په مسکو کی ژوند کوي. مسکو اوس د نړۍ د ملیاردرانو پایتخت گڼل کیږي.
په عمومی لست کې د آسیا د ارام سمندر د ساحې د ملکونو ٣٣٢ تنه سرمایه داران ذکر شوي دي. ۴١٣ یې په امریکا او ٣٠٠ یې په اروپا کې دي.
په لست کې تر ټولو غټ سرمایه دار د مکسیکو اوسیدونکی، کارلوس سلم ښودل شوی چې د مخابراتو د څو غټو شرکتونو مالک دی او په دوهم نمبر کې د امریکایي سرمایه دار بیل گیټس نوم راغلی دی.