د افغانستان د ملي دفاع وزارت چارواکي په دې باور دي چې اوس مهال په افغانستان کې د جګړې زور، له جنوبي ولایاتو څخه، په ختیځو ولایاتو کې زیات شوی دی.
د ملي دفاع وزارت ویاند جنرال ظاهر عظیمی نن پخپل اوونیز مطبوعاتي کنفرانس کې وویل چې د دولت مخالفینو اوس خپل د جګړې لوری، ختیځو ولایتونو ته اړولی دی.
جنرال عظیمی په نورستان ولایت کې د تیرې شپې د جګړو د خبر پخلی وکړ.
د ښاغلي عظیمی په وینا، افغان ځواکونه په هر حالت کې چې وي، د روانې میاشتې په بهیر کې به په ټاکل شویو سیمو کې د امنیت چارې له نړېوالو ځواکونو څخه په خپل لاس کې واخلي.