کاناډا د سه شنبې په ورځ د کندهار ولایت د امنیت مسولیت امریکايي عسکرو ته وسپاره. دا په افغانستان کې د کاناډا د محاربوي ماموریت د پای ته رسولو پیل دی.
په افغانستان کې د درې زرو کاناډايي عسکرو له جملې نه ۱۱۷ تنه د سه شنبې په ورځ خپل هیواد ته ستانه شول.
کاناډا لومړنی هیواد دی چې په افغانستان کې ډیر عسکر لري او له دغه هیواد څخه یې د عسکرو په ایستلو پیل وکړ.
کاناډایي چارواکو اعلان وکړ چې په نږدې راتلونکي کې به د افغان قواوو د روزنې په برخه کې مرستندوی رول ولري.