د لاس رسي وړ اتصالات

د چین په سیلاونو کې ۲۰ کسه نور وژل شوي


Heavy rains compound search and rescue operation in northwest China's Gansu province, 12 Aug 2010
Heavy rains compound search and rescue operation in northwest China's Gansu province, 12 Aug 2010

د چین د گانسو په ولایت کي د سختو بارانونو په وجه نوري ځمکي هم ښوئیدلي او٢٠ کسه په کي مړه شوي او څه دپاسه ١٠ زره تنه بند پاته دي.

دا ځمکي د لانگ نان په ښارگوټي کي له یوې شپې پرله پسې باران په وجه راوښوئیدلې.

د گانسو په ولایت کي د ځمکي په ښوئیدلو کي څه دپاسه ١١٠٠ خلک مړه شوي دي چی زیاتره یې د ژاوکو په ښارگوټي کي وو. په دې ځای کي د تیري یکشنبې په ورځ د ځمکي یوه لویه ټوټه راجلاشوه . په پرونیو سختو بارانو کي نوري ځمکي هم وښوئیدلې چی د ژاوکو ښارگوټي ته یې غځیدلی سړک بند کړاو د ژغورني د چارو مخه یې ونیوله.

په دې ښارگوټي کي د چهارشنبې د ورځي راپدې خوا د چا د ژغورلو رپوټ نه دی ورکړه شوی او د سینهوا رسمي خبري آژانس وویل چی چارواکو اوس ژوندي پاته کسانو ته چی زیاتره یې د تیبت مالدار او کروندگر دي، توجه اړولې ده.

له بلي خوا د چین په جنوب لویدیځ کي د سیچوان په ولایت کي هم ځمکه ښوئیدلې، پنځه کسه یې وژلي دي او ٥٠٠ کسه بند پاته دي.

XS
SM
MD
LG