د لاس رسي وړ اتصالات

د کرېکټ د نړیوال جام تر پیلېدو مخکې د هند بله ماتې


اسټرالیا په ۴۹ اورونو کې ۳۷۱ منډې وکړې چې ترلاسه کول یې هند ته ستونزمن وو.
اسټرالیا په ۴۹ اورونو کې ۳۷۱ منډې وکړې چې ترلاسه کول یې هند ته ستونزمن وو.

د کرېکټ د ۲۰۱۵ کال د نړیوال جام په لومړنۍ تمریني لوبې کې، اسټرالیا هند ته ماتې ورکړه.

دغه لوبه د اسټرالیا په ایډلېډ لوبغالي کې وشوه. کوربنې لوبډلې لومړی بېټېنګ وکړ او د ټولو لوبغاړو په سوځېدو سره یې په ۴۹ اورونو کې ۳۷۱ منډې وکړې.

د اسټرالیا په ټیم کې دوو لوبغاړو ډیویډ وارنر او مکسویل سلیزې وکړې.

د هند تېز توپ اچوونکي محمد شامي درې، یادوا او شرما دوه دوه، بېني او پټیل یو یو اسټرالیايي لوبغاړي وسوځول.

د اسټرالیا تېزې توپ اچونې ته په کتو داسې انګېرل کېده چې ښايي هند دغه هدف پوره نکړی شي چې هماغسې وشول.

د هند د سر لومړنی لوبغاړی روهېت شرما په اتو منډو ژر وسوځېد.

ډایوان، رېهانې او ادوو تر پنځوسو ډېرې منډې وکړې، خو د هند نور منډه جوړوونکي ډېر و نه ځلېدل.

د هند ټوله لوبډله په ۴۶ اور کې په ۲۶۵ منډو وسوځېدله او اسټرالیا دغه تمرینې لوبه په ۱۰۶ منډو وکټله او د ۲۰۱۵ کال د نړیوال جام د ورلډ کپ سفر په لویې بریا پیل کړ.

هند خپله دویمه تمریني د سه شنبې په ورځ د افغانستان سره کوي، دا تر نړیوال جام مخکې د افغانستان لومړنۍ تمریني لوبه ده، چې پر سپورټي چاینلونو هم ښودل کېږي.

  • 16x9 Image

    جعفر هاند

    جعفر هاند په ۲۰۱۷ کې په واشنګټن ډي سي کې په امریکايي پوهنتون کې په نړیوالو مطبوعاتو او اړیکو کې ماستري کړې ده. د ننګرهار په پوهنتون کې یې قضا لوستې ده. له ۲۰۰۷ نه تر ۲۰۱۴ کاله پورې د بي بي سي د نړیوالې او افغان څانګې خبریال او پروډیوسر و. د ۲۰۱۴ کال له پیل راهیسې په واشنګټن کې د امریکا غږ اشنا راډیو/تلویزون خبریال دی. 

XS
SM
MD
LG