د لاس رسي وړ اتصالات

روسیې امریکا ته په خوندي سیمو د بمبارۍ خبرداری ورکړ


د روسیې، ترکیې او ایران د بهرنیو چارو وزیرانو په قزاقستان کې د سوریې د اوربند په هکله دوه ورځنۍ غونډه جوړه کړې وه.

روسېه واېي چې په سورېه کې د امریکا په مشرۍ د نړېوال ائتلاف جیټ الوتکې اجازه نه لري چې پس له دې پرهغه خوندي سېمو هواېي بمباري وکړي چې روسېې، ایران او ترکېې ېي په سورېه کې د جوړلو پرېکړه کړې .

روسېه واېي داخوندي سېمه چې د (de-escalation zone) په نوم ېادیږي سورېه کې د روان شپږ کلن جنگ د پای ته رسولو په خاطر جوړیږي. دغه سیمې به د امریکاېي الوتکو په شمول د ټولو ائتلافي الوتکو پرمخ وتړل شي.

په قزاقستان کې د سورېې په هکله د مذاکراتو لپاره د روسېې د حکومت استازي الکذاندر لاورېنټېف د جمعې په ورځ مطبوعاتو ته ووېل چې په "خوندي سېمو کې د نړېوال ائتلاف په شمول د ټولو الوتکو فعالیت په قطعي توگه منع دی. حملې ېي نه د مخکېنۍ اطلاع پراساس جواز لري او نه بغیر د ا طلاع نه."

روسېې،ترکېې او ایران دپنجشنبې په ورځ په مسکو کې په دې ارتباط پر ېوې پرېکړې لاس لیک کړی او ژمنه ېي کړې چې په استانه کې د لاس لیک شوې موافقې دعملي کولو تضمین به کوي.

د سورېې رژیم او مخالفانو د موافقې په لاس لېک کولو کې برخه وانه خېستله خو د بشارالاسد حکومت وېلي دي چې مخالفت به ېي ونه کړي.

دقزاقستان د بهرنیو چارو وزارت دجمعې په ورځ اعلان وکړ چې د سورېي په اړه به دوهم ځلي په روانه مېاشت کې په ژنېو کې پېل شي او روسېه، ایران او ترکېه به بله غونډه په استانه کې په جولاېي کې کوي.

XS
SM
MD
LG