عراقي ځواکونو نن یکشنبې هم د موصل په لویدیځې غاړې کې د داعش د وسله والو د ایستلو عملیاتو ته دوام ورکړ او په دې برخه کې ېې د ډرون با بې پېلوټه الوتکیو نه کار اخلي. د دداعش داعماق خبري اژانس د عراق د نیول شويو ډرون الوتکیو ویډیو خپره کړیده.
دا په اصل کې تجارتي ډرون دي چې په عراق کې د وسلو د انتقال لپاره کارول کېږي. دا د داعش خلاف د عراقي قواو نوې ستراتیژي ده. د ډرون په دی بریدونو کې دداعش دری مواضع ورانې شويدي او ١١ ترهگر وژل شوي دي.
له عراقي قواو سره امریکا هم نظامي مرستې کوي چې د داعش قوت مات کړي. نن سهار د دغه ښار په اسمان کې تور لوگی ښکاره کېده او د بمونو دچاودنو غږونه اوریدل کیدل.
د فبروري میاشتې د نولسمې نیټې نه راپدیخوا چې عراقي حکومت د موصل په لویدیځ کې عملیات پیل کړي، امریکایی او عراقی قوماندانان وایي چې داعش ډېر شدید مقاومت کوي.
لومړی بریدمن علی صاحب عبدالحسین وايي: د خدای په فضل سیمه اوس مصونه شوې ده او د هرې خوا نه زمونږ بشپړ کنترول لاندې ده. مونږ د ښي او کین اړخ له خوا نه د نورو ځواکونو سره گډ شوي یو.
عراقي ځواکونو د سږکال په پیل کې په اکتوبر د عملیاتو د پیل نه وروسته د موصل ختیځه برخه ونیوله. خو کله چې جگړه د ښار د المولمین په څیر گڼه گوڼې سیمو ته ورسیده د داعش د توغندیو د بریدونو له امله ډیر ملکي خلک تیښتې ته اړ شول.
د موصل یو اوسیدونکی وايي ښځې پر سړک روانې وې چې د هاوان مرمۍ ولگیده. مونږ منډه کړه چې زخمیانو سره مرسته وکړو چې د هاوان دویمه مرمۍ هم ولگیده."
د موصل ښار څه دپاسه دوه نیم کاله د داعش تر ولگې لاندې و. د دې ښار په موزیم کې لرغوني اثار لوټ شوي دي.
د پوځ د عاجلو پیښو د ادارې ویاند ډگروال عبدالامیر المحمداوي وايي: په لسگونهو لرغوني اثار چې آشوري، اکدي، بابل، سومري، د فارس او رومان امپراطوري او د مصر د نیل د مدنیت سره یې تعلق درلود، ټول تالا شوي. یوه لویه مجمسه چې د عراق نه دباندې نه شوای قاچاق کیدی هغه یې له منځه وړې ده."
د امریکا په مشرۍ عراقي ځواکونو په 2014 او 2015 کلونو کې د عراق له اکثره ښارونو څخه د داعش جنگیالي وایستل. اوس دغه ډله یوازې د موصل په لویدیځه برخه کې پاتې ده. عراقي ځواکونو د تیرې اونې په پای کې د موصل تالا شوی موزیم ونیو. هلته د داعش جنگیاليو د لرغوني اثارو د ویجاړولو په مهال ځانونه فلمبرداري کړي وو.