د لاس رسي وړ اتصالات

د اسلام- ضد هالنډي سیاستوال محکمې ته حاضر نشو


ویلډرز وايي باید په هالنډ کې په قران باندې بندیز ولګول شي

ویلډرز وايي باید په هالنډ کې په قران باندې بندیز ولګول شي

ګیرت ویلډرز تورن دی چې د مسلمانانو په ضد نژادي او مذهبي کرکه پاروي. ټاکل شوې وه چې په هالنډ کې د اسلام ضد سیاستوال، ګیرت ویلډرز، د دوشنبې په ورځ محاکمه شي خو هغه محکمې ته نه ورغی. پر ښاغلي ویلډرز تور دی چې د مذهبي اقلیتونو پر ضد نفرت خپروي او نژادي تعصب ته لمن وهي.

هغه ۱۸ میاشتې مخکې د محلي انتخاباتو پر مهال په هالنډ کې د ځینو مسلمان مراکشیانو پر ضد شعارونه ورکړي وو او هغوی یې درواغجن بللي وو.

ګیریت ویلډرز د هالنډ د ازادۍ د ګوند مشر دی

هغه محکمې ته له تللو انکار وکړ او خپل وکیل یې واستوه

که هغه د مذهبي تعصب په پارولو پړ شي، دوه کابل بند پرې خیژي

ویلډرز په هالنډ کې په قران د بندیز غوښتنه هم کړې ده

هغه وايي هالنډیان په خپل هېواد کې د اسلام موجودیت ویني

هغه وايي د مراکش مجرم مسلمانان باید وشړل شي

د هغه پر ضد ۶۵۰۰ کسانو پولیسو ته عریضې کړي دي

کله چې یوه غونډه کې د مسلمانانو ضد خبرې وکړې، دګوند ۱۳ غړي له غونډې ووتل

ښاغلي ویلډرز په ۲۰۱۱ کال کې هم په هالنډ کې پر قرآن د کلک بندیز او د مجرمو مراکشیانو د شړلو غوښتنه کړې وه. هغه وايي د مراکش مسلمانان په نا انډول ډول له حکومت نه مرستې ترلاسه کوي او له مجرمینو سره مرستې کوي.

د رویټرز د راپور په اساس ویلډرز ویلي چې محکمې ته به نه ورځي او د هغه پر ځای به یې وکیل د محکمې پرېکړه اوري. که ویلډرز پړ وخوت، د ۸۱۰۰ ډالره نقدي جریمې به ورکوي او دوکاله به بندي کیږي هم.

ویلډرز دا محکمه د ځان د بیان د ازادۍ د محدودولو په مانا بللې ده او ویلي یې دي، چې ده یوازې هماغه خبره کړې ده چې میلیونونه هالنډیان یې کوي.

سره له دې چې د ویلډرز ګوند لا واکمني نه ده کړې، خو د کډوالو او اسلام پر ضد د هغوی سخت دریځ او انتقادونه په هالنډ کې پراخ سیاسي بحثونه پارولي دي.

هالنډ د شاوخوا ۱۷ میلیونه نفوس لري چې د اټکل له مخې شاوخوا ۴۰۰زره (۴۰۰۰۰۰) یې مسلمانان دي، په مسلمانانو کې یې ډېر د مراکش دي.

د امستردام ته نژدې به د هغه په اړه محکمه جوړیږي، چې کلک امنیتي تدابیر یې نیول شوي دي. قاضیان او د هغه مدافع وکیل به په دریو اونیو کې د هغه د قضیې اړوند اسناد ارزوي او د اړتیا پر مهال به شاهدان هم غواړي او بیا به پرېکړه کوي.

XS
SM
MD
LG