د لاس رسي وړ اتصالات

په قاهره کې لا تر اوسه ځینې مظاهره چیان پاتې دي


په قاهره کې لا تر اوسه ځینې مظاهره چیان پاتې دي

د مصر عسکر د قاهرې د تحریر په میدانۍ کی د ډیموکراسۍ د پلویانو سره هغه وخت لاس او گریوان شول چی پولیسو غوښتل د ترافیکو په مخ د لارې د خلاصولو لپاره خلک په شا وتمبوي.

عسکر نن سهار دې میدانۍ ته ننوتل او د خیمو او د هغو مظاهره چیانو د پاتی شونو په ټولولو یی پیل وکړ چی د جمعی په ورځ یی جمهور رییس حسنی مبارک استعفی ته مجبوره کړ.

په سلگونو زره مصریانو د جمعی په شپه او پرون د حسنی مبارک د استعفی له امله خوشحالۍ وکړې او بیا خپلو کورونو ته ستانه شول خو په سلگونو نور هملته د تحریر په میدانۍ کی پاتی شول او ویل یی چی تر هغه به دلته پاتی شي تر څو د مصر پوځیانو د ډیموکراتیکو اصلاحاتو د راوستو لپاره د هغوی غوښتنې عملي کړي نه وي.

د مصر پوځ ژمنه کړې چی د یوه ملکی ډیموکراتیک حکومت د جوړولو نظارت به وکړي خو په دی اړه یی کومه نیټه نه ده اعلان کړې.

XS
SM
MD
LG