د لاس رسي وړ اتصالات

په اوکراین کې لاریون کونکي چې د څو ورځو راهیسې په مظاهرو بوخت دي د پولیسو سره یې نښته کړې ده. دغه لاریون کونکي د حکومت څخه غواړي چې خپله پریکړه بدله کړي او د اروپایي اتحاد سره موافقه لاس لیک کړي.


د پلازمېنې کیف په یوې مرکزي څلور لاره کې د پولیسو او مظاهره کونکو ترمنځ د حکومت د تیرې اونۍ د پریکړې له امله چې وايي د اروپايي اتحاد څخه صرف نظر کوي او پر ځای یې د روسیې سره تجارتي اړیکې پیاوړي کوي، نښتې رامنځ ته شوې.

ټاکل شوې وه چې د اروپايي اتحاد سره د اوکراین د یوځای کېدو معاهده د لیتوانیا د ویلنوس په ښار کې د اروپايي اتحاد د ختیځې ملګرتیا په نامه په عمومي غونډه کې لاس لیک شي.

د اوکراین لومړي وزیر مایکولا آزاروف د جمعې په ورځ د دغه هېواد پارلمان ته وویل چې د حکومت پریکړه به د اروپايي اتحاد سره د اوکراین د یوځای کېدو پر پروسې باندي تاثیر ونکړي.

د اروپايي اتحاد او اوکراین ترمنځ د معاهدې د لاس لیکدو پریکړه هغه وخت بدله شوه چې پارلمان هغه لایحه تصویب نکړه چې په لړ کې به یې د اوکراین پخوانۍ لومړۍ وزیره یولیو تایموشینکو د بند څخه را آزاده شوې وای. د اوکراین سره د معاهدې د لاس لیکېدو یو کلیدي شرط د هغې آزادېده و.


اوکراین ویلي دي چې پرځای به یې د بیلاروس، قزاقستان، روسیې او پخواني شوروي اتحاد د نورو هېوادونو سره د تجارتي اړیکو پر پراختیا او پیاوړتیا باید بحث او مزاکرات پیل کړي ترڅو ددغو هیوادونو ترمنځ تجارتي او اقتصادي اړیکې وده وموندي.
XS
SM
MD
LG