جنرال مارټین ډیمپسې چې جمهوررئیس براک اوباما د امریکا د اردو تر ټولو د لوړ پوړي صاحب منصب په توګه ټاکلی، تهران ته خبرداری ورکړ چې د امریکا هغه عزم او اراده دې بې اهمیته نه بولي چې په عراق کی په امریکایي قواو باندې په حملو کي چې ایران کوم نقش لوبوي، د هغه په مقابل کي به امریکا څه نه وایي.
هغه د امریکا د مشرانو د جرګې یوې کمیټې ته په استماعیه غونډه کې وویل چې دا خبره چی ایران اټومي وسلې جوړوي او له بلي خوا د عراق په جنوب کي پارونکي فعالیتونه کوي، ددې امکانات زیاتوي « چې ایران به شاید د امریکا د پاخه عزم په باب سخته غلطي کوي.»
دغه جنرال پرون د سه شنبې په ورځ وویل چي د عراق په جنوب کی د ایران له خوا د شیعه ملیشو وسله وال کول به چي په امریکایي قواو باندي حملې کوي، شاید داسي طرح شوي وي چی "د بیروت په شان" د ډله ایزو تلفاتو سبب شي.
هغه په ١٩٨٣ کال کي په لبنان کي د سمندري قواو په بارکونو باندي د ځان مرګو حملې ته اشاره کوله. په دې حمله کي ٢۴١ امریکایي عسکر ووژل سول او ددې سبب شو چي امریکایان د لبنان نه ووځي. (جنرال ډیمپسې ) وویل چي ایران غواړي دې ته ورته پیغام خپور کړي او ووایي چي امریکا یې د عراق نه وایستله.
مارتین ډیمپسي همدارنګه د سنا مجلس د پوځي چارو د کمیټې په وړاندې روان مالي وضعیت ته په پاملرنې سره د اردو د بودجې د کمولو په خاطر خبرداری ورکړ.
ایران کې د پاسداران انقلاب قوماندان د تیلو وزیر شو
د ایران جمهوررئیس محمود احمدی نژاد د سپاره پاسدران انقلاب ېو قوماندان د تېلو دوزارت لپاره نومولی دی.
ښاغلی احمدی نژاد رستم قاسمی د اېران د تېلو د وزېر په توګه نومولی دی. د ایران د تیلو وزارت د سرپرست وزیر له خوا نه د جون د میاشتی راهیسې اداره کېده.
دامرېکا متحده اېالاتو تېر کال د قاسمی او دهغه د تعمېراتی کمپنی په سر بندېزونه لګولی وو. د قاسمی کمپنی د پوځ لپاره په قرارداد باندی کارونه کوي.
د امرېکا خارجه وزارت وېلی وو چې د قاسمی پر کمپنۍ او د هغه په نورو شریکو کمپنیو باندی ددې لپاره بندېز لګول شویدی چې دوی له اېران سره مرسته کوی چې د ډله ئیزې وژنې وسلی جوړی کړي. خو اېران دا تور ردوي او وايي چې اټومی پروګرام ېې سوله ئیز اهداف لري.
رپوټ وايی پکارده چې قاسمی د پارلېمان له خوانه منظور شي. ښاغلی احمدی نژاد د کال په سر کې خپل ځان د تیلود وزېر په توګه نومولی و. خو هغه د پارلمان له خوا د ګواښ نه وروسته له دې مقام نه ځان ګوښه کړ. پارلمان ګواښ وکړ چې که هغه دا چوکی خوشی نکړي نو محکمی ته به یې راکش کړي.