د لاس رسي وړ اتصالات

مودي: "زمونږ وینې او اوبه یوځای پاکستان ته نشي بهیدلی"


هند د "سند د اوبو تړون" بیا څیړي

هند د "سند د اوبو تړون" بیا څیړي

د هند او پاکستان ترمنځ د تازه کړکیچ په غبرگون کې د هند صدراعظم نریندرا مودي ویلي دي چې "اوبه او وینې نه شي کیدای چې په یو وخت کې پاکستان ته روانې شي."

د هندي رسنیو د راپورونو له مخې ښاغلي مودي د دوشنبې په ورځ د هند د حکومت د لوړپوړو چارواکو په گډون په یوه غونډه کې د پاکستان سره د "سند د اوبو د تړون" د بیا څیړلو په هکله تصمیم ونیو چې د هند د سیندونو څخه گټه اخیستنه چې په پای کې پاکستان ته بهیږي باید لوړې کچې ته ورسیږي.

ددې تړون له مخې چې د ١٩٦٠ کال د سپتامبر په ١٩ د دواړو هیوادونو ترمنځ لاس لیک شوی، هند باید ددې هیواد د دریو ختیځو سیندونو اوبه پاکستان ته جریان ومومي او ددې سیندونو له اوبو څخه باید دومره گټه وانخلي چې پاکستان ته یې بهیدل کم شي.

د هند د دریو ختیځو سیندونو اوبه پاکستان ته بهیږي

د هند د دریو ختیځو سیندونو اوبه پاکستان ته بهیږي

پاکستان دمخه تر دې هم څو ځلې شکایت کړی و چې ددې سیندونو څخه پوره اندازه اوبه نه ترلاسه کوي او لږ تر لږه دوه قضیې یې نړیوالو مراجعو ته وړاندې کړې وې.

د هند او پاکستان ترمنځ اړیکې په دې وروستیو اونیو کې په ځانگړې توگه په کشمیر کې د سخت دریځو له لورې د ١٨ هندي سرتیرو له وژلو وروسته له بل هر وخت څخه زیاتې خړې پړې شوې دي.

هند په پاکستان کې میشت سخت دریځه په دې برید تورن کوي، خو پاکستان د هندي مقاماتو ادعاوی ردوي.

د هند د صدراعظم په گډون هندي مقامات پاکستان د ترهگرۍ ملاتړی هیواد وگاڼه او دهندي سرتیرو د وژل کیدو په اړوند یې د غچ اخیستونکو اقداماتو خبرداری ورکړ.

XS
SM
MD
LG