د لاس رسي وړ اتصالات

وسله والو ننګرهار کې د نجونو پر یو ښوونځي برید کړی


په دې وروستیو کې په ختیځو ولایتون کې دښوونځیو سوځول، تړل او دښوونکو وهل ډبول زیات شوي دي.

په دې وروستیو کې په ختیځو ولایتون کې دښوونځیو سوځول، تړل او دښوونکو وهل ډبول زیات شوي دي.

په دې وروستیو کې د ختیځ په کچه د ښوونځیو سوځول، تړل او د ښوونکو وهل ډبول زیات شوي دي.

وروستۍ پېښه یې د پنجشنبې په شپې رامنځ ته شوې ده، چې د ننګرهار په هسکې مېنې ولسوالۍ کې نامعلومو وسله والو د نجونو د یو ښوونځي اداره او تحولیخانه په ماینونو الوځولې ده.

ددغه ولایت د پوهنې ریاست ویاند محمد اصف شینواري امریکا غږ ته وویل"یوه ډله ټوپکوالو د نجونو ددغه ښوونځي پر ساتونکو سترګې تړلي او بهر یې په سرک کېنولي. وسله والو تحویلخانه او اداره په بمونو الوځولې او ترې تلي دي."

ښاغلی شینواری وايي د ښوونځي څنګ ته د هلکانو یو مکتب هم و، چې وسله والو یې د ودانۍ ټولې شیشې ماتې کړي دي.

تر اوسه ددغه پېښې مسولیت چا نه دی اخیستی.

دوه میاشتې کېږي، چې د همدغه ولسوالۍ د نجونو او هلکانو ټول ښوونځي وسله والو تړلي وو او په بدل کې یې له افغان حکومت څخه د خپلو ځینو بندیانو خوشې کېدل غوښتي وو.

وروسته د قومي مشرانو په مرسته دا ستونزه هواره شوه او ښوونځیو ته د بیرته پرانیستلو اجازه ورکړل شوه .

نژدې یوه میاشت کیږي، چې دنورستان په وانت وایګل ولسوالۍ کې هم نا معلومه وسله والو یو ښوونځي ته اور ورته کړی و.

د وانت وایګل ولسوال رحمت الله رحمتي په وینا، چې دا کار وسله والو طالبانو کړی و.

دوه اونۍ وړاندې د کونړ په وټه پور ولسوالۍ کې هم د انجونو د یوې لېسې مدیر فضل محمد حېدري هم په نیمه شپه نا معلومو وسله والو ټوپک پر کونداغونو دمرګ تر بریده وهلی وو.

حیدري، چې په ټول بدن یې د کونداغونو چاپونه پراته وو، امریکا غږ ته وویل،چې وسله والو سړو ترې په معارف کې د دندې پرېښودو کلکه غوښتنه وکړه او ګواښ یې ورته کړی که بیا ځلې د دندې پر مهال ونیسي نو وبه یې وژني.

د کونړ د معارف ریاست مسولین هم دغسې مسلو اندېښمن کړي او وايي دغسې کارونه کولی شي ښوونکي او زده کونکي له ښوونځیو زړه توري کړي.

که څه هم وسله وال طالبان دښوونځیو د سوځونې او د ښوونکو د وهلو ډبلو په مسله کې ځانونه ښکېل نه ګڼي، خو یو شمیر کسان د طالب وسله والو غواړي چې که هغوی دا کار نه کوي نو مخه دې ونیسي.

XS
SM
MD
LG