د لاس رسي وړ اتصالات

عارف: د ایران تلویزون زما د انتخاباتي مبارزې وخت کم کړی


د ایران د ولسمشرۍ د ټولټاکنو د یو اصلاح غوښتونکي کاندید نطاق ویلي چې دولتي تلویزیون د هغه د انتخاباتي مبارزې نشراتي وخت کم کړیدی او ویلي یې دي چې تخنیکي ستونزې لري.

محمد رضا عارف، چې په دوه اصلاح پلوو کاندیدانو کی یو کاندید دی، د ایران د اسلامي جمهوریت د اساسي قانون د څارنې شورا منلی دی چې د جون د ١۴ مې نېټې په ټولټاکنو کې ګډون وکړي.

اکثره نور تایید شوي کاندیدان محافظه کاران وو، خو د اکبر هاشمي رفسنجاني په شمول د هغوي د رقیبانو کاندیدي تایید نه شوه.

عیني شاهدان وایي د دوشنبې په ورځ د جام جم په چینل کې د محمد رضاعارف د انتخاباتي مبارزی پروګرام د پیل کیدو نه پنځلس دقیقی وروسته په داسې حال کې بند شو چې ویل یې که ولسمشر شو، د رفسنجاني تجربې به عملي کړي.

دا مو هم ښایي خوښ شي

XS
SM
MD
LG