ایران د هغی سني یاغی ډلی مشر اعدام کړی چی د ملک په جنوب ختیځه برخه کی یی وژونکی حملی کړی وی.
د ایران دولتی مطبوعات وایی چی عبدالمالک ریگی نن سهار د ایران د ایوان په زندان کی په دار وځړول شو.
په هغه باندی د تروریزم او د جندالله د یاغی ډلی سره د ارتباط لرلو الزام لگول شوی ؤ.
د ایران مطبوعات رپوټ ورکوی چی ریگی د قربانیانو د ځینو کورنیو په مخکی اعدام شو.
عبدالمالک ریگی د فبرورۍ په میاشت کی د ایران د استخباراتو لخوا څو میاشتی وروسته له هغه ونیول شو چی د هغه ډلی د هغی بم چونی مسؤلیت په غاړه واخیست چی په لس گونو خلک پکی ووژل شول.
د جندالله ډله وایی چی د اکتوبر په میاشت کی یی د سیستان بلوچستان په ایالت کی د بم په حملی کی لاس درلود. په دی حمله کی د ایران د سپاه پاسداران انقلاب د غړو په شمول ٥٧ تنه ووژل شول.