د لاس رسي وړ اتصالات

د کابل پر کانټیننټل هوټل برید کې ۷ مړه ۸ زخمیان دي


د کابل پر کانټیننټل هوټل برید کې ۷ مړه ۸ زخمیان دي

د کابل پر کانټیننټل هوټل برید کې ۷ مړه ۸ زخمیان دي

په کابل کې امنیتي مقامات وايي، د اینټر کانټیننټل په هوټل باندې د سه شنبې د شپې ناوخته برید په نتیجه کې اووه تنه وژل شوي او اته نور زخمي شوي دي.

د چهارشنبې په سهار د افغان امنیتي ځواکونو موټرو او امبلانسونو د هوټل له ودانۍ نه د وژل شویو افرادو مړي او زخمیان رایستل.

د کورنیو چارو د وزارت ویاند صدیق صدیقي نن وویل، د یادو شویو تلفاتو علاوه، شپږ تنه برید کوونکي هم وژل شوي او ددې اندیښنه شته چې د تلفاتو اندازه زیاته شي.

ښاغلي صدیقي وویل په پیښه کې د وژل شویو او زخمي شویو کسانو هویت تر اوسه پورې ندی څرګند او وايي چې په دې اړه تحقیقات روان دي.

برید د سه شنبې د شپې ناوخته هغه مهال پیل شو چې شپږ تنه ځانمرګي د کانټننټل پر هوټل ورغلل. په دغه هوټل کې اکثریت خارجیان اوسیږي.

د ناټو یوه ویاند وویل چې د دوی هلیکوپترو هغه برید کوونکي له منځه یووړل چې د هوټل پر بام باندې ځای پر ځای شوي وو.‌

طالبانو ددغه برید مسولیت اخیستی او ویلي یې دي چې په هوټل کې میشت بهرنیان یې هدف و.

د کابل د امنیت د قومندانۍ د جنايي تحقیقاتو رئیس محمد ظاهر وویل چې په پیښه کې څو تنه پولیس هم زخمي شوي دي.

سید وحید، یوه عیني شاهد امریکا غږ ته وویل چې د سهار په درې بجې یې د یوې درنې چاودنې غږ واورېد هغه وویل د پلتخنیک - باغ بالا سرک د ترافیکو پر مخ تړل شوی دی.

د امریکا د بهرنیو چارو وزارت د یوې اعلامیې له لارې دغه حمله غندلې ده.

په افغانستان کې د ناامنۍ دغه ډول پیښې په داسې حال کې ادامه لري چې امریکا غواړي په راتلونکو څو اونیو کې له افغانستان څخه د خپلو عسکرو د ایستلو بهیر پیل کړي.

برید کوونکي د ښځو لباس کې پټیږي

د سه شنبې په ورځ، ناټو وویل اکثره نارینه برید کوونکي ددې لپاره چې و نه نیول شي، د ښځو لباس اغوندي.

ناټو ویلي، د بیلګې په توګه، افغان او ناټو قواوو په ګډه د تندلارو یو عالي رتبه مشر ونیو چې چادري یې په سر کړې وه.

ایتلاف وايي، د ازبکستان د اسلامي غورځنګ مشر یې د دوشنبې په ورځ په کندز کې په یو لړ عملیاتو کې ونیو. د تندلارو پر دغه مشر باندې تور دی چې د افغان امنیتي قواوو په خلاف یې د ځانمرګو بریدونه تنظیمول.

XS
SM
MD
LG