د لاس رسي وړ اتصالات

د ولسي جرګې د مشرتابه ټاکنې دریمې ورځې ته وځنډیدې


د ولسي جرګې د مشرتابه ټاکنې دریمې ورځې ته وځنډیدې

د ولسي جرګې د مشرتابه ټاکنې دریمې ورځې ته وځنډیدې

د نوې ولسي جرګې د دوه سوه نهه څلوېښت غړو د ټولې ورځې جر او بحث پایله د ددې جرګې مؤقت ريس د ورځې په څلورو بجو په لنډه داسې را غونډه کړه چې سبا به د پارلمان د ریس د ټاکلو درېیم ځلې ټاکنو ته ورځي او خبرې به هم تر سبا غځوي.

د ولسي جرګې مؤقت ریس وویل چې د قانون د شپېتمې مادې په اساس پرېکړه کوي چې سبا به د نوي کاندیدانو ترمنځ د پارلمان ریاست ته ټاکنې کیږي.

محمد سرور عثماني، د ولسي جرګې مؤقت ريس: "قانون صراحت لري، د قانون يو سلو اتمه ماده صراحت لري، نو فلهذا سبا د ټاکنو خوا ته ځو او دا زمونږ د سبا ورځې اجنډا ده."

د ولسي جرګې دا پرېکړه د میرویس یاسیني له خبرو وروسته وشوه هغه دا وړاندېز درلود چې نویو څېرو ته دې وخت ورکړ شي چې د پارلمان ریاست ته ځانونه ونوموي او مسئله اواره ده چې نوې ټاکنې د نویو کاندیدانو په موجودیت کې ترسره شي. خو بل لورته د هغو وکیلانو رضایت له دې موضوع سره نه وو چې ګواکې د ریاست لپاره دې د تېرې ورځې د دوهمې دورې له کاندیدانو پرته دې د نویو کاندیدانو ترمنځ ټاکنې وشي.

عبدالرب رسول سیاف چې تېره ورځ یې له یونس قانوني سره په دوهم دور ټاکنو کې زیاتې رایې وړې وې نن له غرمې مخکې د پارلمان نویو غړو ته وویل چې په قانون کې د تېرې ورځې د دوهم دور ټاکنو ته لاره شته او هغه دې ولټوي.

خو د هغه سیال یونس قانوني بیا له غرمې وروسته د ولسي جرګې غړو ته وویل چې د ټولې ورځې په بحثونو کې پنځه عمده ټکي موندلي چې څلور یې له قانون سره په مغاریت کې دي او پنځم انتخاب دا دی چې د نوي ریس د موندلو لپاره دی سبا د نویو کاندیدانو چې د تېرې ورځې څلور کاندیدان به پکې د کاندیداتورۍ حق و نه لري ونوموي او رایې اچونې دې وشي، پدې ترتیب نوموړي په خپله له معضلې تېر شو.

تېره ورځ په دوو پړاوونو د پارلمان ریاست ته ټاکنې وشوی چې په دوهم دور کې استاد سیاف او یونس قانوني پاتې شول، چې يوه هم د پنځوس جمعه یو په اساس رایې ونه ګټلې خو عبدالرب الرسول سیاف له قانوني مخکې وو، دا لا تراوسه نده معلومه چې سبانیو ټاکنو ته به څومره نوماندان وي.

XS
SM
MD
LG