د لاس رسي وړ اتصالات

جمهوري ریاست د کابل بانک له ستر پوروړي خلیل الله فیروزي سره د ښار جوړونې د وزارت لخوا لاسلیک شوی تړون فسخ کړ او په سملاسي ډول يې د بیا ارزولو غوښتنه کړې ده.

د ارګ اعلامیه وايي ( د خلیل الله فیرزوي د محکومیت او بانک ته يې د قرضونو د ورکولو په اړه، د محکمې د حکم ټولې مادې په خپل حال پاتې دي؛ د افغانستان د قضايي قوې نه پرته بل هېڅ ځواک دغه حکم بدلولی نشي. دا چې دغه تړون الزامي نه دی او حقوقي اړخونه يې هم کمزوري دي نو هغه لغوه شوی او د اعتبار وړ نه دی.)

ځو ورځې وړاندې د افغانستان د ښار جوړونې وزارت د کابل بانک د یو لوی قرضدرا خلیل الله فیروزي او نبي زاده وردګ له شرکت سره د دغه وزارت د ودانۍ د جوړولو تړون وکړ.

ظاهرآ د دغه تړون هدف ښه نیت او د کابل بانک د قرضيو د ورکولو چټکول ښودل کیږي؛ په دغه کار سره د ولسمشر غني پر حکومت کلکې نیوکې وشوې.

خو، ارګ وايي چې لا هم د فساد پر ضد مبارزې او د کابلبانک د قرضیو ټولو ته ژمن دی.

خلیل الله فیروزي محکوم شوي چې له کابلبانک نه یې میلیونه پېسې وړي دي او بېرته يې نه دي ورکړي.

خلیل الله فیروزي محکوم شوي چې له کابلبانک نه یې میلیونه پېسې وړي دي او بېرته يې نه دي ورکړي.

ارګ وايي (د کابل بانک د دوسيې د تصفيې ادارې ته لارښوونه شوې چې د ښار جوړونې وزارت ته د خلیل فیرزي له لوري د ۶۸ جریبه ځمکې ځانګړي کول وارزوي او کابل بانک ته د پيسو په بدل کې د ددغه ملکیت د انتقال زمینه برابره کړي.)

ولسمشر غني د افغانستان له لويې څارنوالۍ څخه هم غوښتي چې د کابل بانک د قضيې د محکومینو په اړه دې د محکمې د حکمونو د پوره تطبیق په هکله دې جمهوري ریاست ته راپور ورکړي.

ولسمشر غني په خپلو انتخاباتي کمپاینونو کې د فساد سره د کلکې مبارزې ژمنې کړې وې او واک ته له رسېدو وروسته يې د کابل بانک قضيه بيا پرانیستله.

د کابل بانک دیوالي کېدل په افغانستان کې د فساد یوه لویه قضیه ده.

  • 16x9 Image

    جعفر هاند

    جعفر هاند د هند په اندرا ګاندي پوهنتون کې په سیاسي علومو کې ماسټري کړې ده؛ د ننګرهار په پوهنتون کې یې قضا لوستې ده. له ۲۰۰۷ نه تر ۲۰۱۴ کاله پورې د بي بي سي د نړیوالې او افغان څانګې خبریال او پروډیوسر و. د ۲۰۱۴ کال له پیل راهیسې په واشنګټن کې د امریکا غږ اشنا راډیو/تلویزون خبریال دی.

XS
SM
MD
LG