د لاس رسي وړ اتصالات

کندهار کې د ملي امنیت کارکوونکي ووژل شول


برید سهار وختې د کندهار ښار او هوايي ډګر ترمنځ د ښور اندام په سیمه کې شوې ده.

برید سهار وختې د کندهار ښار او هوايي ډګر ترمنځ د ښور اندام په سیمه کې شوې ده.

په کندهار کي د ملي امنیت د منتظره قطعې پر مرکز ډله اییز ځانمرګي برید کې د یوه سیمه اییز چارواکي په خبره د دغه مرکز درې کارکوونکي وژل شوي دي.

برید سهار وختې د کندهار ښار او هوايي ډګر ترمنځ د ښور اندام په سیمه کې شوې ده.

عیني شاهدان وايي چي لومړی د مازدا موټر يوه زوروره چاودنه وشوه او بیا د سپکو وسلو ډزې پیل شوې .

یوې امنیتي سرچينه چي نه يې غوښتل نوم يې خپور شي امریکا غږ ته وويل چې په پېښه کي درې ځانمرګي او درې د ملي امنیت عسکر وژل شوي دي.

په برید کې د ملي امنیت یو بل سرتېری ژوبل شوی هم دی.

وسله والو طالبانو د کندهار د ننني ډله ییز ځانمرګي برید مسئولیت په خپله غاړه اخیستی دی.

د کندهار – سپین بولدک لاره هم د برید له کبله د څه وخت لپاره تړل شوې وه.

تر دې یوازي دوه ورځې مخکې د کندهار په ارغستان ولسوالۍ کي د پوليسو پر امنيتي پوستو د افغان حکومت د وسله والو مخالفانو په بریدونو کې دوه ځانمرګي برید کونکي او درې پولیس وژل شوي وو .

  • 16x9 Image

    عزیزالله پوپل

    عزیزالله پوپل په جنوبي ولایتونو کې د امریکا غږ اشنا راډیو د پښتو خبریال دی. له امریکا غږ سره د کار له مخه یې په سیمه کې له ملي راډیو او ټلویزیون، روز خبري اژانس، هیواد ټلویزیون او افغان ازاد راډیو سره د خبریال په حیث کار کړی، او د کندهار په پوهنتون کې یې د ادبیاتو زده کړې ترسره کړې دي

XS
SM
MD
LG