داسي ښکاري چې هند تر لسیزو وروسته له بریتانيې نه د کوه نور الماسو د بیرته اخیستلو له دعوا لاس اخیستی.
د فرانس پرس اژانس د راپور په اساس د هند د لوی څارنوال مرستیال په همدې اړه یوې محکمې ته وویل، د هند د سیکانو پخواني مهاراجا رنجیت سنګ په خپلې خوښې دغه الماس انګریزانو ته ورکړی، تروړل شوی او غلا شوی نه دی.
کوه نور الماس د کلونو لپاره په افغانستان کې هم و او اوس افغان چارواکي وايي چې ښايي دوې یې له بریتانیې بیرته وغواړي.
د افغانستان د اطلاعاتو او کلتور وزیر عبدالباري جهاني د امریکا غږ اشنا ته وویل، چې افغانستان کولاې شي چې د دغه الماس د اخیستلو دعوه وکړي. ښاغلي جهاني وویل رنجیت سنګ په زوره دغه غمی له شاه شجاع نه اخیستی و او انګریزانو ته یې ورکړی دی.
په لومړي ځل د نادر افشار کورنۍ دغه الماس احمدشاه ابدالي ته ورکړ، چې بیا وروسته د هغه د اولادونو ترمنځ لاس په لاس شو. اوس دغه الماس د انګلستان د شاهي تاج په مخکينۍ برخه کې ټومبل شوی، پر دغه الماس پاکستان هم دعوه لري.
ولې دغه الماس دومره مهم دی؟
د افغانستان د اطلاعاتو او کلتور وزیر عبدالباري جهاني نه یې واورئ:
