د لاس رسي وړ اتصالات

په لیبیا کې په تازه جګړو کې اته تنه وژل شوي


په لیبیا کې په تازه جګړو کې اته تنه وژل شوي

په لیبیا کې په تازه جګړو کې اته تنه وژل شوي

د لیبیا په شمال لویدیځ ښار ( نالوت ) کي نن د شنبې په ورځ د لیبیا د مشر معمر قدافي د قواو او یاغیانو تر منځ جګړې شوي دي.

یاغیانو وویل چي په دې جګړو کي لږترلږه اته کسه وژل شوي دي.

له بلي خوا ناتو د لیبیا د حکومت دا ادعا د قهر او خپګان وړ بللې چي وایي ناتو هوایي حملې په ملکیانو باندي کوي. د ناتو نطاقي ( اونا لینګیسکو ) نن په بروکسیل کی په یوه خبري کنفرانس کي وویل چی دا ښاغلی قدافي او د هغه قواوي دي چي په منظمه او وحشیانه توگه د لیبیا په خلکو باندي حملې کوی.

ښاغلي قدافي د جمعې په ورځ د آواز یوه فیته خپره کړه او په هغې کي یې دا هوډ وکړ چي د ناتو قواو ته به ماته ورکوي. هغه دا پیغام په داسي حال کی خپور کړ چي د ناتو جنگي الوتکو په پایتخت طرابلس کي په خپلو اهدافو باندي بمبارۍ وکړې.

د لبیا دولتي تلویزیون وویل چي نن هم د ناتو الوتکو د پایتخت په یوې بلي سیمي باندي حملې کړي دي.

او یو بل خبر وایي چي آسټرالیا هم نن اعلان وکړ چي د لیبیا مخالفه انتقالي ملی شورا به د لیبیا د خلکو د قانوني آساځي په توگه وپیژني. ایټالیې، فرانسې او قطر مخکي لا دغه شورا په رسمیت پیژندلې ده،

XS
SM
MD
LG