د لاس رسي وړ اتصالات

په سرت کې لا هم سختې جګړې روانې دي


په سرت کې لا هم سختې جګړې روانې دي

په سرت کې لا هم سختې جګړې روانې دي

د لیبیا د موقتي حکومت جنګیالي د هغه هیواد د پخواني مشر معمر قدافي د طرفدارو قواو سره د هغه په کورني ښار ( سرت ) کي په سختو جگړو اخته دي.

عیني شاهدان وایي په داسي حال کي چي د ملي موقتي شورا جنګیالي کوشش کوي په دې ښار گوټي باندي خپله قبضه پراخه کړي، ددروندو توپونو ډزو دغه ښارگوټی لړزولی دی. د جمعې د ورځي ددې جگړو مرکز د

( کواګا دو ګو ) د کنفرانس د ودانۍ شاوخوا ځایونه وو چي د قدافي قواوي په کي اوسیږي.

درې هفتې کیږي چي د ملي موقتي شورا جنګیالي د ( سرت ) د ښارګوټي د نیولو د پاره جنگیږي. هغوي پیشبینی کړې چي په څو راتلونکو ورځو کي به ددغه ښارگوټي بشپړ کنټرول تر لاسه کړي.

په لیبیا کي د ناتو د عملیاتو قوماندانان هم په دې باور دي چي د قدافی طرفداري قواوي د ماتي په درشل کي دي. د امریکا ددفاع یوه لوړ رتبه مامور پرون وویل چي د ناتو قوماندانان یقین لري چي قدافي نور د خپلو طرفدارو قواو قومانده له لاسه کړې ده.

XS
SM
MD
LG