د لاس رسي وړ اتصالات

د افغان او بهرنیو ځواکونو دوه څرخي الوتکې وغورځېدې


تراوسه د دغو دواړو الوتکو د غورځېدو علتونه معلوم شوي نه دي.

تراوسه د دغو دواړو الوتکو د غورځېدو علتونه معلوم شوي نه دي.

په افغانستان کې د افغان او بهرنیو ځواکونو دوه پوځي څرخي الوتکې رالویدلي دي.

د افغان ځواکونو الوتکه د دوشنبې په غرمه د بامیانو په غرني ولایت کې غورځېدلې ده چې د چارواکو په خبره د سپرلیو څخه یې دوه تنه مړه شوي دي.

په دغې ترانسپورتي الوتکې د عملې په ګډون اوه تنه سپاره وو چې تر غرمې مخکې د بامیانو په فولادي سیمه کې وغورځېدله.

د بامیانو د والي ویاند عبدالرحمن احمدي امریکا غږ ته وویل چې الوتکه د بامیانو د هوایي ډګر څخه کابل ته روانه وه چې له الوتلو لږه شېبه وروسته پریوته.

اخوا د دوشنبې په شپه ناوخته، په کابل کې د بهرنیو ځواکونو یوه څرخي الوتکه غورځېدلې او د ناټو پنځه غړي په کې وژل شوي دي.

برتانوي رسنیو د برتانیا د دفاع وزارت له خولې ویلي چې په دغې پېښه کې دوه برتانویان مړه شوي دي.

تر اوسه د دغو دواړو الوتکو د غورځېدو دقیق علتونه معلوم شوي نه دي.

په افغانستان کې د ناټو جنګي ماموریت په ۲۰۱۴ کال کې خلاص شو، خو اوس ناتو د قاطع ماموریت تر نامه لاندې افغان ځواکونه روزي او سلا مشورې ورته ورکوي.

XS
SM
MD
LG