د لاس رسي وړ اتصالات

د هالند په ټاکنو کې د اسلام ضد سیاستوال ماتې وخوړه


ویلډرز صدراعظم روتې ته خبرداری ورکړی چې د ده او د غورځنګ پالیسۍ به یې دوام ولري.
ویلډرز صدراعظم روتې ته خبرداری ورکړی چې د ده او د غورځنګ پالیسۍ به یې دوام ولري.

د هالند ټاکنو د لومړنیو پایلو پر بنسټ، د صدراعظم مارک روتي ګوند په پارلمان کې اکثریت څوکۍ ګټلي او افراطي ښي اړخي عوامپاله ، خیرت ویلدرز ته د تمې خلاف ماتې ورکړې ده.

د هالند په پارلماني ټاکنو کې د اسلام ضد سیاستوال، خیرت ویلدرز پر وړاندې د صدراعظم مارک روتی بریا د هالندیانو په ګډون یو ډیر شمیر اروپایان خوشحاله کړي دي.

د هالند ټاکنو چې پایلې یې د پنجشنبې په ورځ [مارچ ۱۶] اعلان شوې ځکه په کور دننه او بهر د خلکو پام راجلب کړی و چې له اروپایي ټولنې څخه د برېټانیا تر وتلو او همداراز د ډونالډ ترمپ تر ټاکل کیدو وروسته، په یوه اروپايې هیواد کې لومړۍ ټاکنې وې.

د ۱۵۰ څوکیو لپاره د ډیرو رایو تر شمېرل کیدو وروسته، د صدراعظم مارک روتي ګوند ۳۳ څوکۍ خپلې کړې دي. د رئپوټو له مخې د خیرت ویلدرز ګوند ۱۹ څوکۍ ګتلي دي.

صدراعظم روتې د ټاکنو پایلې د "ډیموکراسۍ لمانځنه" وبلله ویې ویل:"فکر کوم د هالند خلکو دوه پیغامونو ته ځواب ورکړ. اول داچی موږ باید نوې تجربه ونکړو، بله دا چې د هېواد پالیسیو ته دوام ورکړو چې اقتصاد پیاوړي شي."

یو شمیر هيوادونو د هالند د ټاکنو د پایلو تر اعلانیدو وروسته غبرګون وښود. د ترکیې د بهرنیو چارو وزیر وویل چې د لیبرال حاکم ګوند او د مهاجرینو ضد فاشېست ګوند د سیاستوال خیرت ویلډرز ترمنځ توپیر نشته.

ویلډرز صدراعظم روتې ته خبرداری ورکړی چې د ده او د غورځنګ پالیسۍ به یې دوام ولري.

نوموړي وویل: " موږ به تر راتلونکو ټاکنو پورې انتظار وباسو"

ویلدرز د کمپاینونو پر مهال ژمنه کړې وه چې مسلمان مهاجرو ته اجازه نه ورکوي چې هالند ته راشي. نوموړي همداراز ویلي وو چې جوماتونه بندوي، د قرانکریم پر خرڅلاو بندیز لګوي او هالند له اروپايې ټولنې څخه وباسي.

د هالند یو ډیر شمېر اوسېدونکو ویلي چې حاکم ګوند ته یې ځکه رایه ورکړې چې په وینا یې اوسني صدراعظم تر خپلې اوسې ددغه هېواد لپاره کار کړی دی.

XS
SM
MD
LG