د لاس رسي وړ اتصالات

چین: د دلای لاما او اوباما لیدل به جدي عواقب ولري


Obama Stresses Human Rights for Tibetans in Talks With Dalai Lama

Obama Stresses Human Rights for Tibetans in Talks With Dalai Lama

د چین له سختو خبرداریو سره سره، ولسمشر بارک اوباما به په سپېنې ماڼۍ کې د جمعې په ورځ د تبت د شړل شوي روحاني مشر، دلای لاما سره وګوري.

سپینه ماڼۍ وايي ولسمشر اوباما به د دلای لاما سره د درناوي وړ یو مذهبي او فرهنګي مشر په توګه، لیده کاته کوي.

د سپېنې ماڼۍ په خبرپاڼه کې راغلي دي چې متحده ایالت د دلای لاما د هغې (منځنۍ لارې) درناوی کوي چې په چین کې نه د تبتیانو جلا والی غواړي او نه یې هم خپلواکي.

د چین د بهرنیو چارو وزرات په سملاسي ډول پر امریکا ټېنګار کړی چې دغه لیده کاته ترسره نکړي. د وزارت ویاند هویا چینانګ خبرداری ورکړ چې دغه کار به جدي ډیپلوماتیکي عواقب له ځانه سره ولري.

هغې داسي وویل: ،،دالای لامه یو سیاسي شړل شوی کس دی چې د ډیر پخوا راهیسي هڅه کوي چې د مذهب ترنامه لاندي په چین کې بیلتون غوښتونکي هلې ځلې وکړي. د امریکا د متحده ایالاتو د ولسمشر له خوا د دالای لامه سره لیده کاته به د چین په کورنیو چارو کې لاسوهنه وي او دا کار د نړیوالو اړیکو د نورمونو او قوانینو سره په مغایرت کې واقع کېږي. دا لیده کاته به د امریکا اوچین ترمنځ اړیکې په جدي توګه خرابې کړي.،،

د یادونې وړ ده چې چین په ۲۰۱۰ او ۲۰۱۱ کلونو کې هم ورته خبرداری ورکړی و کله چې ولسمشر اوباما او دالای لامه سره وکتل.
XS
SM
MD
LG