د لاس رسي وړ اتصالات

اوباما وایي په مصر کې به پخوانی حالت بیرته رانشي


اوباما وایي په مصر کې به پخوانی حالت بیرته رانشي

اوباما وایي په مصر کې به پخوانی حالت بیرته رانشي

د امریکا جمهور رئیس براک اوباما وایي فکرکوي چې په مصرکی به بیرته هغه حالت را نه شی لکه په تیره میاشت کې د ډیموکراسۍ د طرفدارانو د مظاهرو د پیل کیدو نه مخکې چې وه.

جمهور رئیس اوباما، پرون د فاکس تلویزیون سره په مرکه کې وویل ، باور لري چې په مصرکی به د یو منظم سیاسي انتقال په نتیجه کی د ولس نماینده حکومت جوړشی، چې د امریکا سره به انډیوالي ولرلی شي.

د حکومت ضد مصري مبارزین، دوه هفتې وشوې چې د څوښارونو په لارو کوڅو کی مظاهری کوي ، او د جمهور رئیس حسنې مبارک استعفی او د هغه د دیرش کلنې واکمنۍ ختمیدل غواړي. ښاغلي مبارک په ځواب کی دا دژمنه وکړه چې د سپتمبر په میاشتی کی د شپږم دور جمهوری ریاست ته به ځان کاندید نکړي.

جمهور رئیس اوباما وویل امریکا دا نشي ویلی چې څومره ژر به ښاغلی مبارک استعفی وکړي. خو د امریکا جمهورریس خپل دا نظر بیا بیان کړ چې جمهورریس حسنی مبارک باید همدا اوس انتقالي دورپیل کړي.

ښاغلي اوباما همدغه راز یوه نوي حکومت ته د چارو په انتقال کی د اخوان المسلمین رول چندان مهم و نه ښوده ، وی ویل چې دغه اسلامي تحریک د مصرد ډیرو سیاسي ډلو نه یوه ډله ده او د اکثریت ملاتړ نلری.

اخوان المسلمین، د مصر یوډیر منظم مخالف ګروپ دی.

ښاغلی اوباما، دا خبره وکړه چه ددی ډلی ځنی مفکوری د امرېکا ضد دی.

XS
SM
MD
LG