د لاس رسي وړ اتصالات

اوباما په جمهوري غوښتونکو غږ کړی چې د " سټارټ" تړون دې منظور کړي


جمهور رئیس اوباما د اونیزې وینا په حال کې

جمهور رئیس اوباما د اونیزې وینا په حال کې

د امریکا جمهوررئیس براک اوباما د کانګرس په جمهوري غوښتونکو سناتورانو باندي چي غواړي د روسیې سره د ذروي وسلو د کمولو تړون منظور نه سي، انتقادونه کړي دي.

ښاغلي اوباما نن د شنبې په ورځ په خپله هفته ایزه وینا کي وویل چي جمهوري غوښتونکي د ذروي دیپلوماسۍ په باب د فقید جمهوررئیس رونالډ ریګن په درس باندي چی عنوان یې و " باور او تحقیق کول " سترګي پټوي.

هغه وویل چي که د مشرانو جرګه په همدې کال کي د ( سټارټ ) په نامه د ستراتیژیکو وسلو د کمولو نوی تړون منظور نه کړي، نو امریکایي تحقیق کونکي به ونه کړا سي دا معلومه کړي چي روسیې د هغه تړون مراعات کړی دی که نه چي خپلي ذروي وسلې دي ٣٠ فیصده را کمي کړي.

جمهوررئیس او ددیموکرات ګوند مشر وویل چي د مشرانو د جرګې له خوا ددې نوي تړون نه منظوریدل به په ځینو نورو مسالو کي د واشنګټن سره د روسیې ملاتړ په خطر کی واچوي چي په دې کي د ایران له خوا د ذروي وسلو د ترلاسه کولو مساله هم شامله ده.

XS
SM
MD
LG