د لاس رسي وړ اتصالات

اوباما: په امریکا کې اقتصادي پرمختګ او د کارګرانو حال ښه شوی


د امریکا ولسمشر براک اوباما کوښښ وکړ د امریکا خلکو ته دا وښیي چي په دې هیواد کي اقتصادي پرمختگ راغلی دی او د کارگرانو حال ښه سوی دی. ښاغلي اوباما نن د شنبې په ورځ په خپله هفته ایزه وینا کي تیره میاشت خلکو ته د کارونو د پیداکیدو خبرونه وستایل. هغه په یوه فابریکه کي چي خلکو ته یې کارونه ورکړي دي، وینا وکړه.

ولسمشر وویل چي نوې ټیکنالوجي ددې د پاره ډیره مهمه ده چي په خارجي تیلو باندي د امریکا اتکا کموي. ښاغلي اوباما وویل چي په امریکا کي د تیلو د تولیداتو کچه په تیرو اتو کالو کي تر ټولو جگه شوې ده او په دې هیواد کي د تیلود تولیداتو د نور زیاتیدو هلي ځلي د تیلو د قیمت د لوړیدو په مخنیوي کي چټکه چاره نه ده.

د امریکا ولسمشر وویل چي ددې په ځاي چي د سیاستمدارانو هغو خبرو ته غوږ ونیسو چي د تیلو د بیي د کمولو په اړه یې کوي، ښه به دا وي چي ووایو امریکا باید ځانته د انرژۍ منبابع لکه لمر، باد، طبیعي گاز او بیولوژیکي تیل ولټوي. هغه دغه راز په کانگرس باندي دا انتقاد هم وکړ چي د تیلو کمپنیو ته چي ډیري زیاتي گټي کوي څلور ملیارډ ډالره ډولتي مرستي ورکوي.

  • 16x9 Image

    حسیب الکوزی

    حسیب الکوزی د ۲۰۰۹ کال راهیسې د امریکا غږ سره په واشنګټن کي کار کوي. الکوزي د امریکا د جورجټون د پوهنتون څخه د نړیوالو اړیکو  په برخه کي د لیسانس سند ترلاسه کړی او د امریکا د جانس هاپکینز د پوهنتون څخه يې د نړیوال امنیت او اقتصاد  په برخه کې ماستړي اخیستې ده. هغه د ویب پاڼې ترڅنګ د آشنا راډیو خبري او سیاسي خپرونې پر مخ بیايي او د آشنا تلویزون سره هم همکاري لري. امریکا ته د راتګ څخه مخکي یې په افغانستان کي په بیلابیلو  نړیوالو ادارو کې کار کړی دی.

XS
SM
MD
LG