د لاس رسي وړ اتصالات

د ناموسي وژنو مستند فلم د اسکار جایزه وگټله


لیوناردو دي کپریو ترټولو غوره نارینه او بري لارسون تر ټولو غوره ښځینه لوبغاړي شول.

لیوناردو دي کپریو ترټولو غوره نارینه او بري لارسون تر ټولو غوره ښځینه لوبغاړي شول.

د پاکستان صدراعظم نواز شریف د یکشنبې په شپه د "ناموسي وژنې" د فلم د جایزې گټل وستایل او ژمنه یې کړې چې حکومت یې ددغو وژنو د مخنیوي لپاره د یو قانون په جوړولو بوخت دی.

"په سیند کې نجلۍ: د بخښنې بیع" مستند فلم چې د اسکار جایزه یې خپله کړه د یوې ځوانې ښځې کیسه انځوروي چې د یو نارینه سره د واده کولو په خاطر چې کورنۍ یې ورسره مخالفه ده د خپل پلار او کاکا له لورې وهل ټکول کیږي، او په مرمیو باندې له ویشتلو وروسته په سیند کې اچول کیږي.

د ښه مستند فلم جایزې گټونکې پاکستانۍ ژورنالیستې او فلم جوړونکې شرمین عبید چینوی په ٢٠١٢ کال کې هم د مستند فلم د اسکار جایزه گټلې وه چې فلم یې په پاکستان کې پر ښځو باندې د تیزابو د شیندلو په اړه و.

د ناموسي وژنو جنجالي موضوع د نړۍ په زیاتو هیوادونو کې د رواج او دود دستور سره تړاو لري چې پاکستان هم یو له دغو هیوادونو څخه دی.

د پاکستان د بشري حقونو د کمیسیون د راپور له مخې تیر کال څه دپاسه ٥٠٠ نارینو او ښځینو د ناموسي وژنو په وجه ژوند له لاسه ورکړی دی.

د Spotlight یا رڼا اچونکي څراغ فلم د یکشنبې په شپه د اسکار جایزو د ٨٨ جشن په مراسمو کې د ترټولو ښه فلم جایزه خپله کړه چې د فلم موضوع یې د کاتولیک کشیشانو له لورې له ماشومانو څخه د جنسي استفادې په اړه ده.

د کال د غوره نارینه لوبغاړي جایزه لیوناردو دي کاپریو خپله کړه. دي کاپریو اسکار ته د څو ځلې نوماندیدو وروسته، بالاخره د ریویننټ یا له گور نه راستون شوي په نامه فلم کې د غوره لوبغاړې جایزه وگټله. هغه په دې فلم کې د یو سرحدي ساتونکي په توگه څو کیلومتره ځان په واورو کې کشوي چې غچ واخلي. د کال د ښه ډایرکټر جایزه هم د همدې فلم ډایرکټر ته ورکړل شوه.

همداشان بري لارسون د Room یا خونې په فلم کې د رول په وجه د کال غوره ښځینه لوبغاړې شوه او د اسکار جایزه یې خپله کړه.

د Mad Max یا لیوني مکس فلم د کالیو د ښه طراح، سینگار، تولید او آواز ثبتولو په گډون شپږ جایزې خپلې کړې.

د نژدادي توپیر د ادعاو په وجه د تیرې شپې د اسکار په مراسمو کې د یو شمیر تورپوستو هنرمندانو نه گډون او د امریکا د متحده ایالاتو د مرستیال ولسمشر جوبایدن ناساپي راڅرگندیدل په دې جشن کې بیساري وو.

XS
SM
MD
LG