دغه خندق د کندهار د معروف ولسوالۍ سره نژدې د ډیورینډ کرښې جنوب ته کېندل کیږي.
پاکستاني چارواکي وايي چې دغه خندق۴۸۰ کلومېتره اوږدوالی لري چې له کندهار به تر پکتیکا پورې وکېندل شي.
خندق اته فوټه ژوروالی او لس فوټه اوږدوالی لري. دغه خندق د پاکستان خواته د ډیورند د کرښې په شاو خوا شپږ سوه مېترې کې کېندل کیږي.
پاکستاني چارواکي واېي د خندق د کندلو مقصد د قاچاق کوونکو ، د وسلوالو کسانو او د خلکو د ناقانونه تګ راتګ مخنیوی دی.
د پاکستان سرحدي ځواکونو د کوټې ځیني سیمه اییز خبریالان د قلعه سیف الله د مرغه فقرزي سیمې ته وروستلي چې د خندق د کیندلو په اړه معلومات ورکړې، په دغو خبریالانو کې آزاد خبریال جمال ترکی هم شامل و.
ښاغلي ترکي، د امریکا غږ ته وویل چې د پاکستان د سرحدي ځواکونو (مليشو) يو ډگروال فهیم بابر دوی ته وویل چې دغې لارې د قاچاقي موادو وړلو راوړلو د پاکستان اقتصاد ته زیان رسولی دی چې باید یې مخه ونیول شي. ده ونه ویل چې د دغې خندق کارونه به کله پای ته ورسیږي.
نومړي زیاتوي چې پاکستانې چارواکې ورته ویلې، چې پاکستان به د ایران او پاکستان سرحد ترمنځ هم داسي خندقونه وکیندي.
د یادوینې وړ ده چې څه موده وړاندې په دغې سیمي کې د افغان او پاکستاني سرحدی ځواکونو تر منځ نښته هم شوي وه، او دواړو خواو ته تلفات اویښتې ول.
دغه پوځي جنرال دا خبره هم کړې چې له دغې لارې د قاچاقو موادو وړلو راوړلو د پاکستان اقتصاد ته زیان رسولی دی چې باید یې مخه ونیول شي.
د امریکا غږ دغه خندق د کېندلو په اړه د کندهار امنیه قومندان جنرال عبدالرازق وپوښت ، هغه وویل چې څو میاشتې دمخه یې له پاکستاني سرحدي ځواکونو سره د کندهار په معروف ولسوالۍ کې له هغې وروسته نښته وکړه چې هغوی د ډیورنډ کرښې پر صفري نښې د خندق کېندل پیل کړل.
جنرال عبدالرازق وايي کابل ورته لارښونه کړې چې «د افغانستان، پاکستان او د ناټو ځواکونو درې اړخیزه کمیسون په دې تفاهم کړی چې پاکستان ته اجازه ورکړې چې په خپل طرف کې د ډیورینډ کرښې ٦٠٠ متره دننه خندق ووهي چې د ترهگرو او قاچاق کوونکو د تګ راتګ مخه ونیول شي.»
خو له دې سره سره ښاغلي رازق پاکستان تورنوي چې په دې کار سره غواړي د ډیورنډ کرښې ته د دواړو هېوادونو ترمنځ د سرحد حیثیت ورکړي.
د افغانستان او پاکستان ترمنځ د ډیورنډ کرښه تقريبا٢٦۴٠ کلومیټره ده. په دغه کرښه د تگ او راتگ آسانه دی او دا لومړی ځل دئ چي پاکستان د خندق کنيدل پیل کړی دی.
پاکستانې چارواکې واېې، چې ددغه خندق کیندل به د دواړو هيوادونو دپاره ګتور ثابت شی او دغه راز به د امنيټ په ټینگښت کې هم د دواړو هیوانو سره مرسته وکړي.